影片
更多
2019-08-30
288 瀏覽
紀念日男人話帶我去食好西，仲叫我着靚啲，究竟去邊度呢？原來係時代廣場後面街，耀華街不嬲都有好多嘢食，今次去邊間食咁神秘呢？有兩個好搶眼嘅捕夢網，原來店名嘅意思就係夢想。裡面嘅環境簡雅而隆重，每張枱面都有一條白羽毛，即刻想念"Wingardium Leviosa"。側邊仲有一個水晶球燈🔮，水晶球內有蒲公英影像，整體感覺舒服又浪漫。每一張枱有專責照顧嘅侍應，坐低侍應會幫我鋪餐巾，仲會噴啲香水落枱面濕紙巾度，即時有清雅幽香飄散，聞落舒服，成個氣氛好從容。客人可以揀坐喺出邊大露台，露台一邊望到堅拿道天橋，另一邊係跑馬地馬場方向，靚景令人心情愉悅，好開心。男人話呢間係法日融合菜餐廳，點餐就由男人發板，我負責影相。放木製牛油刀+牛油嘅盛器好特別，係黑色石頭，襯得好靚，份外顯眼。落單之後侍應送來一個白布袋，裏面裝住熱辣辣嘅麵包，有酥脆嘅牛角包，另一種包口感煙韌，有紅莓同果仁喺裏面好好食。首先嚟個日本風嘅味噌南瓜，南瓜本身清甜酥軟，加咗味噌調味，多咗咸香又健康，味道好夾喎。Pan Seared Hokkaido Scallop擺盤認真嚴謹，顏色都好靚。微微煎過嘅刺身帶子，口感爽軟，鮮甜味美，正呀！帶子
紀念日男人話帶我去食好西，仲叫我着靚啲，究竟去邊度呢？
原來係時代廣場後面街，
耀華街不嬲都有好多嘢食，
今次去邊間食咁神秘呢？
有兩個好搶眼嘅捕夢網，
原來店名嘅意思就係夢想。
裡面嘅環境簡雅而隆重，每張枱面都有一條白羽毛，
即刻想念"Wingardium Leviosa"。
側邊仲有一個水晶球燈🔮，水晶球內有蒲公英影像，
整體感覺舒服又浪漫。
每一張枱有專責照顧嘅侍應，
坐低侍應會幫我鋪餐巾，
仲會噴啲香水落枱面濕紙巾度，
即時有清雅幽香飄散，
聞落舒服，成個氣氛好從容。
客人可以揀坐喺出邊大露台，露台一邊望到堅拿道天橋，
另一邊係跑馬地馬場方向，
靚景令人心情愉悅，好開心。
男人話呢間係法日融合菜餐廳，點餐就由男人發板，我負責影相。
放木製牛油刀+牛油嘅盛器好特別，係黑色石頭，襯得好靚，份外顯眼。
落單之後侍應送來一個白布袋，裏面裝住熱辣辣嘅麵包，
有酥脆嘅牛角包，
另一種包口感煙韌，
有紅莓同果仁喺裏面好好食。
首先嚟個日本風嘅味噌南瓜，南瓜本身清甜酥軟，
加咗味噌調味，
多咗咸香又健康，
味道好夾喎。
Pan Seared Hokkaido Scallop
擺盤認真嚴謹，顏色都好靚。
微微煎過嘅刺身帶子，口感爽軟，鮮甜味美，正呀！
帶子下面青色嘅係青豆汁，橙色嘅係三文魚籽
貝殼下有開心果金寶，
黑色條狀係竹炭脆餅，酥脆好味。
兩片楓葉旁邊嘅係日本小澤蟹，
咬落卜卜脆，侍應提醒小心吃，免被剌傷。
第一道神秘菜係海膽。
嘩，成個海膽呀！擺盤都好靚。有片新鮮銀杏葉，
又有紅色綠色嘅海草，
原來海膽裡面白色嘅係慕絲，
慕絲上面係黃色海膽，
海膽上面有金色魚籽+明太子，
將海膽用湯匙拎起，
一啖食咗佢，唔...鮮美豐腴，正呀。
剩低白色嘅慕絲比較淡，撈埋墊住海膽殼嘅竹炭曲奇，
即刻美味爆發呀。
第二道神秘菜係...龍蝦？
非也，底層係碎蛋沙律，中間係松葉蟹肉，
上層小圓點係日本桃，
黑色線原來係黑魚籽，
最上面係食用日本紫蘇花，
味道鮮香，口感豐富，
個樣睇得又好食，
點埋側邊嘅紅莓醬更香甜，
而點芒果醬就鮮香開胃。
跟住就係真龍蝦喇，
龍蝦尾肉質爽彈，味道鮮甜，點碟底嘅龍蝦汁嚟食，
真係有畫龍點睛嘅效果。
伴碟材料都好特別，
炸脆嘅羽衣甘藍係第一次見，
啤梨乾、蓮藕片乾係自家製，
健康好味又唔會過甜，
芒果香甜多汁好好食。
Japanese Cod Fish
簡潔精緻嘅擺盤，白色粉末係分子化嘅橄欖油
盤底醬汁係用醃青蘋果、番茄、
奇異果、番茜、檸檬汁製成，
味道酸香開胃，又可解膩。
鱈魚以變奏西京燒方式烹煮，
無落味噌，所以唔會好甜，
魚脂豐盈，肉質嫩滑，鮮味十足！
Kagoshima 鹿兒島和牛
煎煮火喉控制得啱啱好，
顏色粉嫩，肉質細嫩鬆軟，
和牛肉汁豐富，肉味香濃，
加上黑松露和牛汁，好味！
伴碟有矜貴嘅法國黃油菇(雞油菇)、
新鮮青蘆筍、枝豆，
又靚又好味。
Sesame stone
甜品係呢個套餐嘅最後一道菜，
有樹枝、有花、草、石頭！
幾可亂真，全部都食得。
花係食用花、青草係開心果蛋糕，
樹枝係朱古力，石頭就由芝麻慕絲、
竹炭蛋糕...等組合而成，
石頭好香芝麻味，餡料軟滑，
口感特別，好味！
最後就係餐茶，
男人揀Earl Grey Tea，
我嘅咖啡香濃順滑，好飲！
跟茶仲有4件小甜點，
為這晚餐劃上完美的句號。
今晚感覺溫馨又滿足，謝謝啦！
題外話/補充資料：
雖然每道菜侍應都會專業咁詳細講解材料同做法，
但係掛住影相，好多都唔記得啦，如材料資訊有誤，請見諒及指正，謝謝！
(以上食評乃用戶個人意見 , 並不代表OpenRice之觀點。)
張貼
