影片
更多
2017-08-14
276 瀏覽
朋友一直推介呢間餐廳午餐好抵食，今日終於帶我嚟食。星期六嘅中午，上到嚟到已經見到九成滿座。好好彩被安排坐喺窗邊位置，出面天氣晴朗，望住呢個VIEW享用美食真係感覺特別舒心。百幾蚊一份午餐，已經包左沙律、湯、多士、主菜、甜品、餐飲。如果平日嚟仲要唔收加一!加$55可以有一客海鮮拼盤 ，叫左兩客! 平時去高級餐廳$55都食唔到一隻生蠔，呢度竟然有一客海鮮拼盤，有生蠔、鮑魚、日本刺身帶子、鮮蝦、聖子刺身，我哋都好鍾意食海鮮，當然係必點之選。生蠔不算大，但係好新鮮，海水味後一陣甜味。磯煮鮑魚，係熟鮑魚，用日本醬油同昆布炆嘅，兩種材料啲甜味入晒個鮑魚度，變左有三重鮮甜味，正!日本帶子刺身用杯仔裝住，放入蜜糖麵豉汁，呢個做法幾特別，比起單單日本帶子刺身，咁做味道更出更好味。 鮮蝦同聖子刺身都係爽口彈牙!日式青瓜蟹子沙律，仲有生菜同甜腐皮，幾開胃。餐包係蒜蓉多士，夠熱夠脆。椰子清雞湯，呢個好驚喜，一般餐湯都係羅宋湯或者忌廉湯，呢度竟然係清湯。有洋蔥粒、紅蘿蔔粒、椰子粒、雞絲，個湯真係好甜好清，我超級鍾意!燒美國牛肉眼餐$178，份量適中，幾有牛味，多肉汁，軟腍無根。香煎原條今日鮮魚餐$158，
好好彩被安排坐喺窗邊位置，出面天氣晴朗，望住呢個VIEW享用美食真係感覺特別舒心。
百幾蚊一份午餐，已經包左沙律、湯、多士、主菜、甜品、餐飲。如果平日嚟仲要唔收加一!
加$55可以有一客海鮮拼盤 ，叫左兩客! 平時去高級餐廳$55都食唔到一隻生蠔，呢度竟然有一客海鮮拼盤，有生蠔、鮑魚、日本刺身帶子、鮮蝦、聖子刺身，我哋都好鍾意食海鮮，當然係必點之選。
海鮮拼盤
21 瀏覽
0 讚好
0 留言
磯煮鮑魚，係熟鮑魚，用日本醬油同昆布炆嘅，兩種材料啲甜味入晒個鮑魚度，變左有三重鮮甜味，正!
日本帶子刺身用杯仔裝住，放入蜜糖麵豉汁，呢個做法幾特別，比起單單日本帶子刺身，咁做味道更出更好味。
鮮蝦同聖子刺身都係爽口彈牙!
日式青瓜蟹子沙律，仲有生菜同甜腐皮，幾開胃。
餐包係蒜蓉多士，夠熱夠脆。
椰子清雞湯，呢個好驚喜，一般餐湯都係羅宋湯或者忌廉湯，呢度竟然係清湯。有洋蔥粒、紅蘿蔔粒、椰子粒、雞絲，個湯真係好甜好清，我超級鍾意!
椰子清雞湯
12 瀏覽
0 讚好
0 留言
燒美國牛肉眼餐$178，份量適中，幾有牛味，多肉汁，軟腍無根。
香煎原條今日鮮魚餐$158，原來係倉魚，呢個真係好正。
香煎原條今日鮮魚(倉魚)
15 瀏覽
0 讚好
0 留言
眼突突夠新鮮。
魚肉雪白少骨，結實彈牙。好難得煎完都仲有好多魚肉汁。
甜品係芒果慕士蛋糕，細細件，為呢餐完美作結。
呢度午餐性價比高，抵食又好食，真心推介~
張貼
