影片
更多
2021-05-24
911 瀏覽
好正嘅中餐呀😍😍第一次去staycation，去咗黃金海岸酒店，因為每間房有500蚊食嘢，所以諗住去試下佢嘅中餐，話晒之前攞過米芝連。見到餐牌選擇都多嘅，不過唔知點乜嘢，之後見到有個4人餐，大概1988，都幾多嘢食，最緊要係有片皮鴨，於是乎就叫咗佢。坐咗大概十幾分鐘，就見佢攞咗個金黃色嘅鴨出嚟，顏色燒得好好，好快就切好咗，不過鴨真係肥咗少少，對於怕肥嘅我，盡量整走d肥膏，面皮厚咗少少，不過包埋一齊，都係好好食嘅😋之後上湯，杏汁花膠，個湯真係勁好飲，d花膠都好正，飲完即刻覺得靚咗。之後好快就上晒其餘嘅菜，有魚、蝦、鴨絲同炒飯。全部都好好味。食完之後仲有糖水同生果。咁嘅價錢都真係算ok，而且多到食唔晒。
第一次去staycation，去咗黃金海岸酒店，因為每間房有500蚊食嘢，所以諗住去試下佢嘅中餐，話晒之前攞過米芝連。
見到餐牌選擇都多嘅，不過唔知點乜嘢，之後見到有個4人餐，大概1988，都幾多嘢食，最緊要係有片皮鴨，於是乎就叫咗佢。
坐咗大概十幾分鐘，就見佢攞咗個金黃色嘅鴨出嚟，顏色燒得好好，好快就切好咗，不過鴨真係肥咗少少，對於怕肥嘅我，盡量整走d肥膏，面皮厚咗少少，不過包埋一齊，都係好好食嘅😋
之後上湯，杏汁花膠，個湯真係勁好飲，d花膠都好正，飲完即刻覺得靚咗。
之後好快就上晒其餘嘅菜，有魚、蝦、鴨絲同炒飯。全部都好好味。
食完之後仲有糖水同生果。咁嘅價錢都真係算ok，而且多到食唔晒。
張貼
