黑木亭-お食事処 (玉成大廈) (已結業)

今晚同朋友同朋友食好西去輕鬆下😆😆估唔到元朗都有咁高質既日本野食！ 晚市一人套餐第二客仲有半價，食得開心，坐得舒服，仲要唔洗肉痛荷包爆血，真係超級抵！性價比高！值得推介俾大家🤭🤭🤭我地兩個人叫咗唔少野食呀，好似A5宮崎和牛酥皮pizza 、生蠔、帶子海膽青瓜卷、石燒厚切和牛配蔥鹽醬及蘿蔔酸汁和兩杯野飲，分別係紅火龍佛手柑熊茶和藍蝶花佛手柑熊茶。生蠔🦪 - 生蠔🦪而家做緊買一送一，好抵食，我地都叫咗兩隻，生蠔肥美鮮甜，品質非常好A5宮崎和牛酥皮pizza - 酥皮Pizza好特別啊，啲和牛仲要好靚，加埋靚靚肥牛，一啖酥皮再加埋芝士同其他配料，非常滿足爆肚帶子海膽青瓜卷- 好味！帶子同海膽份量好多，青瓜又好fresh! 值得叫🤭🤭- 石燒厚切和牛配蔥鹽醬及蘿蔔酸汁- 嘩，呢碟冇叫錯啊！和牛好靚，入口即溶仲用石頭燒住咁上菜，儀式感十足，好啱打卡😊紅火龍佛手柑熊茶藍蝶花佛手柑熊茶- 有兩杯都有得意熊仔，好吸引！飲品選擇好豐富，唔使淨係飲平時啲餐茶咁悶🤭🤭黑木亭-お食事処 (玉成大廈) (元朗)元朗裕景坊15-25號玉成大廈地舖