廖同合荳品廠

營業中

休息中

一直聽個朋友話旺角街市附近有間食豆腐花好好味0既舖頭，又話唔係公和，又硬係唔記得個名係咩wo…終於有時間帶我去「朝聖」，原來係呢間~個名真係幾難記得0既~_~"一去到，一人一碗豆花啦~朋友加多個煎豆腐，$7有4件抵過公和呢~伯伯好快手，豆花好快就黎喇~淨係睇個樣已經覺得好滑，未加黃糖食一啖，噢~有薑汁架﹗可以驅風喔同埋，真係好滑加埋黃糖，真係同公和有得fight呀﹗唔怪得咁隔涉都有咁多客仔啦~煎豆腐0既size比公和大件，抵呀~朋友仲話點埋辣椒醬好正添，不過我唔食辣冇得評論。呢度好懷舊look，朋友話呢度有六十幾年歷史架喇~真係要繼續做落去啊我如果行開附近，一定會再黎食~