小胖台灣便當 (偉華中心)

營業中

休息中

最近都幾多人介紹呢間小胖台灣便當，咁啱去開沙田就買返屋企做晚餐，呢度嘅餐牌簡而精，主食有六款🥩🍖🍗牛豬雞嘅台灣地道便當或麵食選擇，外賣便當包裝用心，配有幾款伴菜，賣相精美，一打開都特別開胃。🥩萬華網烤牛肉（$72）- 牛肉係用左薄身嘅牛扒，口感軟熟配上微甜嘅醬汁，送飯一流。🍗士林鹽酥大雞腿（$62）- 鹽酥雞腿用紙袋分開上保持鬆脆口感👍🏻鹽酥香氣十足，肉身夠厚實，肉汁豐富。便當本身已經好豐富，如果想再豐富啲可加$12追加小食，我哋加咗🍠梅香脆地瓜 （$12）同🍗九層塔雞翼 （$12），兩款味道都有水準。另外餐廳仲有大概10款台式小食供應。每款主食附送🍵冷泡綠茶/焙茶/熱金橘檸檬茶。兩款冷泡茶都茶味甘香，可以解解膩。呢間餐廳性價比算高，難怪平日六點幾已經好多人買外賣，見到佢嘅湯麵都係分湯上仲有麻辣味，下次會試吓。