京香閣 (已結業)

日式放題就食得多，中式放題真係第一次食！ 我哋星期六晚嚟到，全場滿座啊，想食真係要早啲訂位。我哋揀咗$228嗰個餐。一開始就先有燉湯同埋大虎蝦！大虎蝦我哋揀咗避風塘食法，香辣惹味之後就到食重點菜式片皮鴨！新鮮燒起嘅片皮鴨香脆熱辣，好好味！自己攞餅皮同埋配料卷埋食 Encore左三round! 出面嘅枱仲擺咗好多食物。啲涼菜好吸引！烤夫配炆筍同素鵝最好食，好夠味！熱盤都有好幾款選擇，話梅骨好食！不過都幾重口味跟住仲有自己撈嘅冷麵，可以自己加大量麻醬出面仲有魚羹食！不過味道淡啲～另外仲有啲點心同甜品即叫即整。迷你小饅頭細細個，一啖一個！豆沙鍋餅，食上海菜必食啦！仲有雷沙湯丸都唔錯整體幾滿意，如果食得辣就更加多野啱食，因為熱盤有好幾樣都係辣嘅。