流水蝦

營業中

休息中

同屋企人都好中意食大頭蝦，聽聞觀塘有一間大頭蝦放題，每檯隔離係水缸，可以直接夾蝦上黎燒。一入座好快就上左椒鹽蝦、海鮮船同一碟Prime級牛肉。椒鹽蝦咸咸香香都幾惹味，牛肉油脂豐富，肉質嫩滑。最吸睛既海鮮船有扇貝、鱔、鮑魚同蜆，非常豐富。黎到重頭戲大頭蝦啦！大頭蝦係水缸入面，要邊隻可以自己親手夾！啲蝦非常生猛，唔夠用力夾會比佢掙扎走左，所以一夾到要即刻放入冰桶凍暈佢，如果唔係就會係咁跳出黎！大頭蝦肉質勁彈牙鮮甜，而且有好多膏同蝦籽，真係好正！另外出面都仲有唔少野食任夾，例如生蠔、雞翼、牛仔骨等，亦都有少少熱食同生果甜品添，夠哂豐富！