阿茶茶。館 (已結業)

不知不覺就去到一間熟悉的餐廳，一個充滿住回憶既餐廳，真懷念。呢個煙三文魚菠菜薄餅係必叫既，我好鍾意有唔同味道同質感既食物加埋一齊食，我就將呢個薄餅、三文魚、沙律菜、菠菜卷埋一件小小手卷一樣；三文魚既鮮味、薄餅既咸味、沙律菜既清新，滿足曬味覺既要求。質感當然都唔少得，三種材料既質感都好唔同，外面軟林林，但一咬落去就有三文魚既柔軟同菠菜既菜汁，不錯。無可否認，我係一隻超級食肉獸，但點餐既時間竟然唔小心點錯左個冇肉既菠多羅蘑菇漢堡，眼見一舊肉都冇，即時連食慾都冇埋，但係叫左都冇理由唔食。一拎起，就咬。奇怪的事情又出現了，蘑菇既肉汁充滿左我個口，超估唔到，同肉汁超似，所以食落去同普通牛扒差唔多，但係咬落去既質感好特別。平時食豬扒包都會覺得有d難咬同埋痴牙，但係蘑菇唔同，食落輕鬆好多。成個包都係素，感覺上會非常健康。很不錯。最後，都有點左一個甜品，係一個香蕉既薄餅。以我回憶以黎，除左細個成日係食香蕉船之外，都好少會去食香蕉類既甜品。所以一見到有呢樣甜品就即時叫左，香蕉雖然唔係一種好突出自己味道既生果。但係香蕉既甜品好清新，呢個薄餅只係加左少少蜜糖，已經好突出到佢既香味。極不錯。好味道！