明記 • 潮鍋 (已結業)

最近發現一間性價比幾高，食物質素超班嘅火鍋店，同朋友慶祝生日，朋友都讚口不絕，超開心😎😎明記潮鍋 佢哋有多款海鮮套餐，豐儉由人如果唔夠喉，叫完套餐，可以額外再叫自己想要嘅火鍋配料我哋就揀咗豪華海鮮套餐B刺身拼盤，賣相好得👍🏼刺身都算幾新鮮☺️☺️厚切三文魚，超肥美都海鮮上菜嘅時候，陣容更加鼎盛！一大盤海鮮，有波士頓龍蝦、蟶子王、大元貝、魷魚、白鱔等等，其中幾款係師傅發辦，咁就可以食到時令海鮮，唔需要自己左揀右揀，款式又多，超吸引！餐廳都幾細心，有個牌仔寫晒建議烹煮時間蟶子皇好巨型除咗大隻之外，蟶子肉好厚，好爽口，好甜🤤🤤🤤靚到一個點！準備食龍蝦之際，發現隻龍蝦啲肉仲郁緊😯😯 新鮮！龍蝦肉晶瑩剔透，煮熟咗之後，鮮甜味道喺口腔大爆發🫶🏻🫶🏻除咗個套餐之外，我哋仲揀咗幾款配料，都非常推薦！手切牛肉，雪花平均，肉味香濃👍🏼👍🏼鮮蝦雲吞係用好大隻嘅新鮮蝦！鍾意食雲吞嘅，一定唔可以錯過🔥🔥🔥除咗食物之外，佢哋嘅飲品亦值得一讚呢杯大大杯嘅檸檬茶，做緊優惠先20幾蚊！打邊爐飲杯巨大凍飲，爽！仲有隻可愛熊啤啤，打埋卡，又得😎😎呢餐生日飯，真係又好食，又好睇，一定會再嚟！