蘇媽.蘇媽馬來西亞茶餐室 (已結業)

自從上次帶朋友仔去食蘇媽。蘇媽後，搞到佢成日都話要再去食，好啦今日又同佢去食蘇媽。蘇媽啦，今次就來到銅鑼灣蘇媽。蘇媽，環境同土尖沙咀一樣都係好懷舊好有老香港的情懷。Nasi Lemak 配仁噹牛肉上次食完後勁愛佢呢個Nasi Lemak就而仁噹牛肉味道都好似我細個時媽媽整比我食印尼巴東牛肉好相似，好好味。好似食返童年的回憶咁。椰香咖央多士上次來食海南鴛鴦燒麵包勁鐘意佢的咖央醬，但我今次就叫左椰香咖央多士，麵包係平時咭司再加上自家製班籣咖央醬及牛油真係好鬼夾。魚仔醬蘿蔔糕蘿蔔糕係我最愛的食物，但我成日都覺得蘿蔔糕要自己整先好食的，但當我食完呢個魚仔醬蘿蔔糕令我改觀晒，佢果魚仔醬有少少辣好鬼野味。檳城香炸滷肉卷呢個肉卷炸得外皮好香脆，肉卷內有埋啲芋頭好特別呀,。