冰雪公主 (已結業)

好耐之前就走咗去呢間試新野，只不過一路都冇打食評上嚟。入正題，先講年糕千層蛋糕。岩岩上菜時，一睇個樣，咁似 Lady M 個蛋糕嘅！由於非常肚餓既關係，就唔理三七廿一，食左先算。個蛋糕每一層都係由韓國年糕組成， 當然唔會有 Lady M 嗰種咁軟、好味嘅感覺啦！啲cream係類似 Lady Mb蛋糕嗰種，當然冇 Lady M 既清甜。呢款蛋糕一試無妨。個煲我都唔記得左叫咩名，只記得有雞但個煲又整得幾惹味幾香，小小辣辣地，令人想一食再食。但味精過多，食完我要狂飲水個爆谷雪糕，如你愛食爆谷又愛食雪糕，我會推介。雪糕好滑好重牛奶味，爆谷又好脆口，但始終爆谷有少少熱，所以啲雪糕會融得好快。如果我冇記錯，碟野好似係卡邦尼意粉。我自己都會成日整呢味黎食，咁當然出面啲師傅整得比教滑。但意炒略嫌冇咩彈性，咬落去仲有少少硬，試完就算。