城寨風味 (已搬遷) 新店位置

九龍城既食店真係愈黎愈多元化，今次食既係中菜，城寨風味呢個名改得幾好，有九龍城既特色！食店裝修得古色古香，主調係中國人最鍾意既紅色，充滿喜慶既感覺！一入門口仲擺左個鼓，吸引唔少小朋友經過都要敲幾下！雖然店內擺設充滿中國風，但係播既歌竟然有流行曲同英文歌，新舊交融，真係估佢唔到！同埋店員都好年輕醒目，反應夠快，招呼周到！  四川口水雞：在座朋友唔係全部食得辣，所以叫一樣辣度比較溫和既四川菜作為前菜，大家可以淺嚐一下！味道小辣帶少少麻，唔會好刺激，辣香提升左雞肉既鮮味，而且雞肉都好滑，最鍾意沾滿花生粒食落更加香口！   紅燒乳鴿：皮脆肉嫰，咬落去仲有肉汁流出添，唔會燒到乾爭爭，非常難得，好耐冇食過咁juicy既燒乳鴿，點少少淮鹽，滋味無窮！賽螃蟹伊麵：平時芝士龍蝦伊麵食得多，伊麵配賽螃蟹都幾有新鮮感！估唔到又幾match,滑溜既蛋白加上爽口既蝦仁同帶子，口感豐富，落少少陳醋令味道更有所提升，伊麵底亦變得清爽，冇左一貫既油膩感！食到差唔多經理更送上蕃薯糖水，非常好客！糖水薑味十足，蕃薯軟硬度煮得岩岩好！   如果要同長輩食飯或者帶外國朋友食中菜，我覺得呢間餐廳真係一個唔錯既選擇，食物有水準，