半熟工房 (金馬倫道) (已結業)

好耐無食過半熟嘅芝士撻，記得初初推出嘅時候，要大排長龍，宜家唔使排隊就可以買到。雖然熱潮已過，但味道質素依舊。買嘅時候，剛好芝士撻出爐，聞到濃濃芝士香。撻底依舊香脆可口，配上半熟嘅芝心，味道一流，唔使5分鐘就畀我搞掂左個撻。真心覺得半熟芝士撻好味過sogo出面個間芝士撻。一場嚟到，仲買咗盒半熟芝士蛋糕，同屋企人分享。蛋糕細細件，做飯後甜品啱啱好。雖然蛋糕要雪凍食，但仍然保持到半熟嘅口感，仲好香滑添。