影片
更多
2018-01-28
1965 瀏覽
最近Facebook， instagram 都有一家圓形的Omakase 好吸睛！原來係灣仔一家新開的日本菜，一睇OpenRice 心諗 「一開就咁多負評唔係呱」不過，從來都要試過先好下定論，經過上星期同屋企人食嘅一餐，今日我就同呢間有心的小店平反一下。喺門口大概等左半個鐘嘅時間，就有位。一坐低，店員已經奉上人頭份量嘅welcome drinks，誠意十足。當日我地嘅welcome drink係士多啤梨燒酒，小小一杯，來準備你投入這一餐豐盛嘅日本盛宴。嚟到呢一度，就梗係要試吓最近網上熱爆嘅九段料理。出去食一餐廚師發辦Omakase 都閑閑哋一千幾百冇走雞，但係呢度只係需要 $298，真心平過出面！魚男九段盛刺身刺身是當天按時令而準備,每一款各有兩至三件，每日不同，務求讓客人食到最新鮮嘅飛機貨。云云嘅魚類之中，個人最驚喜的就係拖羅,一如以往地魚油好多，入口即溶，真係想講一句「shut up and take my money」。仲有海膽都係出乎意料之外唔腥，好高質！另外嘅刺身包括牡丹蝦、針魚、間八等等，不過如果可以下次上碟之前，店員可以略為介紹下刺身嘅名和食法就好啦！咁食客就可以認識更加
喺門口大概等左半個鐘嘅時間，就有位。一坐低，店員已經奉上人頭份量嘅welcome drinks，誠意十足。當日我地嘅welcome drink係士多啤梨燒酒，小小一杯，來準備你投入這一餐豐盛嘅日本盛宴。
嚟到呢一度，就梗係要試吓最近網上熱爆嘅九段料理。出去食一餐廚師發辦Omakase 都閑閑哋一千幾百冇走雞，但係呢度只係需要 $298，真心平過出面！
魚男九段盛刺身
刺身是當天按時令而準備,每一款各有兩至三件，每日不同，務求讓客人食到最新鮮嘅飛機貨。
云云嘅魚類之中，個人最驚喜的就係拖羅,一如以往地魚油好多，入口即溶，真係想講一句「shut up and take my money」。仲有海膽都係出乎意料之外唔腥，好高質！另外嘅刺身包括牡丹蝦、針魚、間八等等，不過如果可以下次上碟之前，店員可以略為介紹下刺身嘅名和食法就好啦！咁食客就可以認識更加多！
有人話食一餐好的料理，就好似欣賞緊一件有廚師為你精心炮製嘅藝術品。相信見到呢張相,大家就明白箇中嘅意思。叫兩份九段料理，一份刺身，一份壽司。拼合一齊就有如此美麗嘅畫面。
如果擔心唔夠飽，原來九段料理仲會跟埋魚湯烏冬，戓角切刺身飯。魚湯烏冬好彈牙，鮮甜嘅魚湯令人好暖胃。相信食埋一定夠晒飽。
鰻魚飯定食
難得店員除咗推介壽司刺身推介，仲叫我地試吓呢一個鰻魚飯，本身仲諗住鰻魚飯嘅做法，來來去去都係差唔多，所以懷着半信半疑嘅心態去叫。但最後就好有驚喜。
定食中包括一碗面試湯和日式沙律。
好特別，鰻魚飯比一層薄薄嘅蛋皮包住，一揭開見到有幾件燒鰻唔似係平時我哋食開超級市場買嗰啲，而係燒鱔嘅質地，肉質厚實，啖啖肉令人好滿足。加埋煙韌的珍珠米，吸收晒濃厚鰻魚汁，如果加埋薄切嘅蛋皮一齊食，蛋皮相信加左日本酒和味醂一齊煎，所以食落去甜甜地。感覺好有去左日本一樣咁正！所以呢一個鰻魚飯，的確值得好推介，係隱藏CP值極高嘅定食。另外，我哋仲叫咗一個魚男丼，都係出自店員嘅推介。
一上枱吸引左兩邊其他食客嘅目光，重點除咗係刺身之外,仲有半隻毛蟹！如果二三百幾蚊呢個價錢，都尚算好抵食。店員會教埋你食法，可以先食蟹膏,後再交給店員拆好蟹腳，再慢慢食蟹肉。蟹膏甘香，而蟹肉十分鮮甜。碗飯都好大碗，加埋都有好多款刺身，同人分享都可以。
一路食嘅過程中，外邊排隊嘅人龍不絕，相信大家都係為咗九段料理而來。所以，所謂「真金不怕紅爐火」，相信真正好食嘅餐廳，絕對唔怕負評嘅攻擊，希望小店繼續努力，用好味嘅食材戰勝一切網上嘅負評。
張貼
