Rimi Cafe (已結業)

前菜選擇蒜片牛柳粒，作為前菜份量都唔算少，粒粒牛柳肉質唔鞋唔難咬，大小啱啱好，一口一粒，切開仲見到半紅肉質夠哂juicy。跟住揀咗鮮蝦蒜辣炒天使麵，一上碟就有滿滿的五隻蝦鋪滿天使麵，好有心思。而天使麵較一般意粉幼身，比較入味，食落每啖都充滿蒜辣味，天使麵較硬身，係我哋中意的口味。接下來上枱嘅係BBQ汁燒豬肋骨配薯菜，好高質，居然仲有原條豬肋骨上！！！好震撼！！！燒得入味而且肉質嫩滑，食到我地舐舐脷。而男友另外單嗌咗三隻蜜糖芥末雞翼，蜜糖芥末汁甜甜地又少少辣，幾好食。最後我地一人嗌咗一杯四季春茶，作為餐飲好高質，同外面三四十蚊一杯嘅台式飲品質素差不多。食完嘢店員都好歡迎我地繼續坐低傾偈，十分友善。我同男友都好中意呢間cafe，bookmark 咗日後都可以經常來！