影片
更多
2013-05-17
962 瀏覽
一家三口去呢度食午餐，稻香集團餐廳！聲稱不加味精！要等5分鐘先有位，因為今日赤柱有龍舟比賽，有公司包咗幾圍枱食午餐，好爆場，餐廳比咗靠牆一張枱，但因為無哂椅子所以我們只能全部平排坐梳化位比較古怪！不過待應都向我們表示歉意！叫咗：鍾菜鮮蝦餃（$12一隻）---獨立一籠一隻，係用彩色塑膠籠，咁新穎，但我覺得突兀，唔太襯，味道也不特別，正常！麥香叉燒包（中）---唔知「麥香」係乜，同普通叉燒包無乜分別，亦係今餐唯一用傳統竹蒸籠蒸，包皮鬆軟，但餡料太甜，好假嘅甜！豉味蒸鳳爪（小）---我食咗一隻，蒸得淋身，好咸，魚佬同肥髀食完都話咸，不停飲水！安蝦咸水角（小）---炸到卜卜脆，餐具精緻，味道正常。甘筍流沙包（中）---我唔覺有甘荀（唔知包身黃色係唔係已經代表加咗甘荀？）內部真係好流沙，但流沙太甜，好假嘅甜，甜到䊢口魚子燻溏心蛋（$20）---雖然$20一隻蛋，上枱賣相精緻！有兩款魚子，黑魚子同三文魚子！魚子l新鮮，魚子同蛋味道好夾，蛋黃流心，亦係今餐最好味嘅菜！七味魷魚頭（$58）---中文寫魷魚頭，但上碟我哋見只係得魷魚腳，睇番餐牌，英文叫呢味做spicy squid，英文無錯，中文有誤導了
叫咗：
鍾菜鮮蝦餃（$12一隻）---獨立一籠一隻，係用彩色塑膠籠，咁新穎，但我覺得突兀，唔太襯，味道也不特別，正常！
麥香叉燒包（中）---唔知「麥香」係乜，同普通叉燒包無乜分別，亦係今餐唯一用傳統竹蒸籠蒸，包皮鬆軟，但餡料太甜，好假嘅甜！
豉味蒸鳳爪（小）---我食咗一隻，蒸得淋身，好咸，魚佬同肥髀食完都話咸，不停飲水！
安蝦咸水角（小）---炸到卜卜脆，餐具精緻，味道正常。
甘筍流沙包（中）---我唔覺有甘荀（唔知包身黃色係唔係已經代表加咗甘荀？）內部真係好流沙，但流沙太甜，好假嘅甜，甜到䊢口
魚子燻溏心蛋（$20）---雖然$20一隻蛋，上枱賣相精緻！有兩款魚子，黑魚子同三文魚子！魚子l新鮮，魚子同蛋味道好夾，蛋黃流心，亦係今餐最好味嘅菜！
七味魷魚頭（$58）---中文寫魷魚頭，但上碟我哋見只係得魷魚腳，睇番餐牌，英文叫呢味做spicy squid，英文無錯，中文有誤導了，雖然話spicy，不過好少辣，肥髀都食到，炸漿不厚，炸得亦香脆，魷魚腳不硬，幾好！
頭抽豉油王炒麵（$98）---又一樣好咸嘅菜，因為餐廳用咗比平時再幼身嘅麵，麵質煙韌，但幼麵索得汁料更多，結果更咸，呢味菜無乜配料，只有蔥同芽菜，配料爽口，但真的太咸，最後每人只能食到少少！
呢間餐廳標榜無加味精，雞粉，色素，唔知廚師係唔係為咗填補無味精嘅味道，而狂加重其他味道，我同魚佬自問都唔算食得淡口，但味道重到咁嘅程度，真係接受唔到！魚佬通常負責清碟，可惜今次都做唔到！以呢間中價菜館來講，係令我失望了！
地方光猛乾淨，裝修新潮，待應亦有禮勤快，不過廚師真係唔好咁重手！
埋單連加一$317！
張貼
