蝦匠 (已結業)

今日真係好凍，朋友提議今晚打邊爐，即刻can’t agree more 。見到蝦匠好似幾得意，個Menu又好似唔錯，所以今晚就蝦匠！我同朋友叫左個小食，泡飯同埋一個邊爐來Share。小食係 滷水拼盤，分別有滷蛋，豬耳，牛輾同埋雞翼。雞翼滷得好入味，唔錯唔錯，滷蛋都好食.我地叫左肥牛一人鍋，揀左蝦醬湯底，微辣，好重蝦味，食D肥牛個時，覺得好微妙，好重蝦味既肥牛，真係第一次食。仲叫左個花膠雞肉泡飯，雞件好滑，仲有雞脾位食！花膠都幾足料，又大塊，個湯好飲，清清地，撈埋D飯落去，D飯吸收曬D湯汁，一流！