LAB10 (裝修中)

碟牛五花超級薄，呢度係3塊嘅份量，燒完之後縮晒水，再加上又有好多黐咗喺個爐上面，所以份量又少咗，完全貨不對辦😰真係覺得太唔合理所以就問咗職員點解會咁。同佢講完個情況之後，佢叫我等一陣，然後就無視咗我，仲要特登避開我張枱，服務態度勁差。然後另一個人走過來解釋話廚師新嚟，唔係好熟悉廚房切肉嗰部機，所以切薄咗，一大堆廢話😅重點係佢自己講之前已經有顧客同佢反映過呢個問題，即係間餐廳自己知道有問題但到而家都唔改善😅😅最尾佢求其俾咗個九折我哋，然後話下次嚟會叫廚師切返厚啲。呢間真係唔值得嚟，價錢又唔係平但質素就好差😧以後都唔會再嚟，奉勸大家都唔好食呢間🫨😰