香港鴻興隆中華菜館 (已結業)

前幾日同幾個朋友黎試呢間新開嘅中菜館，尖沙咀A2岀口一岀就係，都幾易揾。入到去裝飾都幾濃厚傳統中國文化氣氛，古色古香都幾好feel。我地見個餐牌都幾多特色野，就點幾樣嘢試。我地叫左鬆子魚，清炒萵笋，拔絲草莓，炸醬麵同，四喜丸子。先講講條鬆子魚，好大碟，淨係睇個賣相已經好得。口感更加不得了，外面脆到chok chok聲，但魚肉又軟又滑，加上啲酸甜汁，真係好好食，真心推介。令一推薦就係四喜丸子，雖然得四粒，但粒粒都好大粒。咁大粒都充滿肉感，一d都唔粉。而最搶眼一定係佢丸子嘅醬汁，攞黎送飯真係一絕。拔絲草莓我就第一次試，賣相十分特岀，影相呃like之選。糖絲同糖漿都好脆口，加上甜甜士多啤梨，口感都好豐富，係一味幾好嘅飯後甜品。食完結論係都幾推薦大家去試，試左幾道餸都覺得師傅做菜好用心，好花功夫，味道亦都好好。餐牌上仲有好多特色野想試，酸菜魚，水煮牛，手絲雞等等。下次再去試吓。