影片
更多
2017-06-11
681 瀏覽
我呢班朋友不嬲都好富貴, 成日鍾意飲飲食食，今次有個朋友生日就決定離咗依間皇朝私房火鍋。 話到明私房火鍋，咁就即係唔會好大間喇，望落都係得十零二十圍到。咁話說我朋友都係一個月前已經訂咗8位食飯，點知一去到，老闆同佢講冇位喎。原來個老闆搞錯咗，將佢個booking編咗去下一個禮拜，咁我個朋友呢就非常之不滿，就同個老闆理論啦，但係老闆都話冇辦法，因為已經full booking，咁我哋無可奈何都係要等啦，咁就等咗大概一個鐘到先至入得去，當然老闆除咗講唔好意思之外，佢都冇表示任何誠意，令到我朋友到最後都覺得好嬲嘅。最尾我哋就點咗好幾樣海鮮。有瀨尿蝦啦，有奄仔蟹啦，有蝴蝶蚌，蟶子，扇貝，仲有肥牛，雞件，同埋手打麵。 之後就梗係坐定定等食喇，全程由侍應招呼周到。其實一開始我哋蒸嘅呢， 就係蝴蝶蚌。呢個蝴蝶蚌真係不得了，蒸完之後一啲汁係真係好甜，咬落去啲肉質真係好爽，加埋嗰陣先甜嘅味道真係口感一流。每人都係分得嗰4 至5隻真係唔係好夠喉。我哋開始都唔記得影相因為實在太肚餓啦。之後就嚟咗呢個蟶子。蟶子就冇蝴蝶蚌咁鮮甜，但啲肉都好爽好實，同埋就大大件啖啖肉，好好味。之後就當然係香港人最鍾意食嘅大扇貝。
咁話說我朋友都係一個月前已經訂咗8位食飯，點知一去到，老闆同佢講冇位喎。原來個老闆搞錯咗，將佢個booking編咗去下一個禮拜，咁我個朋友呢就非常之不滿，就同個老闆理論啦，但係老闆都話冇辦法，因為已經full booking，咁我哋無可奈何都係要等啦，咁就等咗大概一個鐘到先至入得去，當然老闆除咗講唔好意思之外，佢都冇表示任何誠意，令到我朋友到最後都覺得好嬲嘅。
最尾我哋就點咗好幾樣海鮮。有瀨尿蝦啦，有奄仔蟹啦，有蝴蝶蚌，蟶子，扇貝，仲有肥牛，雞件，同埋手打麵。 之後就梗係坐定定等食喇，全程由侍應招呼周到。
其實一開始我哋蒸嘅呢， 就係蝴蝶蚌。呢個蝴蝶蚌真係不得了，蒸完之後一啲汁係真係好甜，咬落去啲肉質真係好爽，加埋嗰陣先甜嘅味道真係口感一流。每人都係分得嗰4 至5隻真係唔係好夠喉。我哋開始都唔記得影相因為實在太肚餓啦。
之後就嚟咗呢個蟶子。蟶子就冇蝴蝶蚌咁鮮甜，但啲肉都好爽好實，同埋就大大件啖啖肉，好好味。
之後就當然係香港人最鍾意食嘅大扇貝。呢個扇貝又係鮮甜無比，真係無可挑剔。雖然冇加其他醬料例如蒜蓉粉絲， 但清蒸有清蒸嘅鮮味，本人就十分之like 喇。
之後黎左呢個奄仔蟹，蟹係好多糕，好好味好鮮。雖然每人都係分得半隻， 但已經夠曬皮。
而呢隻瀨尿蝦真係冇得頂呀!!大大隻，蒸之前仲係生生猛猛。 蒸完之後啲殼好易剝，剝完啖啖肉，好滿足。個頭仲要有膏可以食埋。
跟住當然就仲食埋牛肉啦。 打邊爐就成日食啦，清蒸食都係第一次。肉質好琳，亦都好有牛味。但我都係中意打邊爐食多啲。
之後食埋個手打麵，麵其實都好好食，但比海鮮比下去。最後當然係食埋個粥底夠晒飽肚。
跟手我地埋埋張單，一睇要成六百蚊一個人，真係一分錢，一分貨。如果唔係老闆book枱問題，我諗會更加滿意。當然希望會再有下次。
張貼
