挽肉と米

營業中

休息中

終於食到挽肉と米。未食過日本那間，冇得比較，但香港這間的出品我是覺得好食的。不過吃過便算，要提前預約太煩了，我未必會做回頭客。佢哋嘅漢堡扒細細舊，但油份、口感確係唔錯。既然店名挽肉と米，日式漢堡配白飯，後者的重要性亦不可忽視。店家用秋田小町米，我亦滿意其飯所煮出來的煙靭程度，白飯任添下我便吃了三碗。店裏主要只賣一客三個漢堡扒的套餐，包括味噌湯同一隻生雞蛋同任添的白飯，未計加一下$138，以IFC這地段來說不貴，我加了一個有唔少牛肉碎的小吃薯仔沙律，兩樣嘢連加一共收咗一百九十大洋。畢竟中環黃金地段，兼且攞碳烤牌不容易，價錢當用來支付這兩樣東西便覺可接受。佢哋建議漢堡扒的三個食法：原味，加蘿蔔茸與自家柚子醋，以及配生雞蛋。三個食法中我最like加蘿蔔茸及柚子醋，夠清新。值得一提的是他們的漢堡扒本身已夠味，但其提供的八種配料真的唔錯及夠多元化，令我忍不住添加。最近在內地發圍嘅肉肉大米亦進軍香港，我曾在內地食過，若兩者比較，挽肉と米仍勝一籌，畢竟碳烤便是王道。