影片
更多
2021-03-13
355 瀏覽
去泰國成日都見人哋食流水蝦，自己又未試過😂。見香港最近新開咗，做緊一個88折優惠($328)。所以決定放工後去食。原來蝦蝦燒除咗有蝦🦐，仲會提供其他海鮮，而且好豐富：有鮑魚(鮑魚祭)、帶子、蠔、扇貝、大眼雞等等，全部都可以任食添😳 餐廳環境都算寬落，每一張枱上都有一條抽氣喉。而係枱與枱之間會有一個蝦缸，放滿流水蝦 ，一路食一路望住啲蝦，或者隨時隨地夾佢哋都可以。啲蝦好生猛，一夾佢就會彈，夾起後要放入冰水凍暈。餐廳本身已經安排咗2人份嘅蝦同埋一盒牛油芝士焗蝦，再加埋每人一串鰻魚，唔使夾蝦都有蝦食。好鍾意嗰個牛油芝士焗蝦，因為個芝士汁完全滲入蝦身，好入味。另外，鰻魚好肥美。其他海鮮、肉類或者蔬菜都係要去自助區拎。海鮮正如我所講，有鮑魚、章魚、帶子、扇貝等，見到店員都係即時refill，覺得幾新鮮同埋餐廳願意畀客人食，唔會話叫客人等或者冇曬貨。最鍾意就係食鮑魚，鮑魚本身size都算大隻。而且佢燒完唔會話好硬或者好難咬，啖啖肉。另外，朋友都鍾意燒蠔，大家可以加啲蒜蓉或者牛油，更加滋味。即使蠔唔算好大隻，但係都幾鮮同肥。至於肉類，好多都一串串整好，有好多唔同種類嘅串燒，牛肉粒、雞肉串、豬肉、魷魚
餐廳環境都算寬落，每一張枱上都有一條抽氣喉。而係枱與枱之間會有一個蝦缸，放滿流水蝦 ，一路食一路望住啲蝦，或者隨時隨地夾佢哋都可以。啲蝦好生猛，一夾佢就會彈，夾起後要放入冰水凍暈。
餐廳本身已經安排咗2人份嘅蝦同埋一盒牛油芝士焗蝦，再加埋每人一串鰻魚，唔使夾蝦都有蝦食。好鍾意嗰個牛油芝士焗蝦，因為個芝士汁完全滲入蝦身，好入味。另外，鰻魚好肥美。
其他海鮮、肉類或者蔬菜都係要去自助區拎。海鮮正如我所講，有鮑魚、章魚、帶子、扇貝等，見到店員都係即時refill，覺得幾新鮮同埋餐廳願意畀客人食，唔會話叫客人等或者冇曬貨。最鍾意就係食鮑魚，鮑魚本身size都算大隻。而且佢燒完唔會話好硬或者好難咬，啖啖肉。另外，朋友都鍾意燒蠔，大家可以加啲蒜蓉或者牛油，更加滋味。即使蠔唔算好大隻，但係都幾鮮同肥。
至於肉類，好多都一串串整好，有好多唔同種類嘅串燒，牛肉粒、雞肉串、豬肉、魷魚鬚等等。最鍾意食牛仔骨，因為燒牛仔骨只需要落少少鹽調味，已經好香口😂
蔬菜類有茄子、茹、粟米等等。店舖有提供牛油、蒜蓉、辣椒、蔥等等嘅配料，所以就決定自己製一個原條茄子串燒，幾滿足㗎！另外，一定要推介‼️俾大家嘅係蒜蓉包 即使感覺食包會好飽，但係一個蒜蓉包燒完香脆，而且佢本身已經佈滿蒜蓉牛油蒜蓉，好惹味～所以，我同朋友都係咁食曬啲quota
飲品種類豐富，有齊曬可樂、忌廉、雪碧汽水之外，仲會有忌廉鮮奶或其他紙包飲品等等選擇。
餐廳服務態度都幾好，店員初頭見到我哋可能唔係太識燒鮑魚，都樂意幫助我哋，介紹我哋點樣燒最好。另外對於清理蝦殼上面，個速度都幾快，相信兩個半鐘頭時間大家都夠食嘅
張貼
