世澄日本料理 (億利工業中心) (已結業)

夏日炎炎最好就係食魚生飯降下溫，今日就黎到荔枝角工業區既一間新開既日式小店。店舖面積唔算大，但裝修乾淨企理，座位舒服，而且可以用手機落單，非常方便快捷。雙色鮪魚丼雙色鮪魚丼包含拖羅片同拖羅蓉，拖羅好新鮮，完全無雪味腥味，魚生表面灑上金泊碎，賣相高級。壽司飯呈啡色，本身已沾上醬油，唔需要另外加豉油。海膽松葉蟹丼海膽有兩片，口感好滑，唔會有臭味；松葉蟹肉碎味道清淡，配上蟹籽加上壽司飯一齊食味道都夾。總括而言，抵食又好味新鮮。