相馬日式火鍋 (已結業)

周末夜晚諗唔到食乜，上網搵到呢間幾好評價就试吓。第一次去火炭商業中心。兩個人點左個貴少少338蚊（未加一）嘅肥牛餐放題，牛豬雞海鮮串燒等任點，蔬菜自助。其他枱好多都係叫大閘蟹餐，乜都包，不過我哋唔好大閘蟹，又覺得食唔到咁多隻。所以冇叫。整體火鍋材料幾新鮮同好味，特別鍾意佢啲黃蜆同蠔。串燒多數都好食（不過有一兩款有啲伏）。後來隔離枱嘅大閘蟹餐包嘅海鮮種類多啲，又大隻啲，下次嚟都係想試吓。服務也不錯，見服務員態度都很客氣。