Rimi Cafe (已結業)

放工想搵個可以坐得耐嘅地方同男朋友hea吓傾吓偈，café真係唔錯嘅選擇，今次揀咗旺角嘅Rimi Café，嗌咗個二人餐，小食同主食都有好多唔同選擇～椒鹽燒賣作為燒賣控嘅我，一定係嗌椒鹽燒賣，炸到外脆內軟，二人餐嚟講，份量又多，夠曬滿足！意式青醬雞絲炒闊條麵男朋友對青醬口味嘅嘢食都情有獨鍾，所以佢話點都要叫呢個闊條麵嚟滿足吓自己～青醬濃郁得嚟又帶有少少creamy，配搭埋雞絲好正！紅酒燴牛肋條配意粉牛肋條配上紅酒汁好滋味，牛肋條又啖啖肉，個又汁夠渴身配埋意粉，十分好味！飲品方面，我嗌咗OREO奶昔，勁好味，仲有OREO餅碎做Topping勁滿足，男朋友就叫咗水蜜桃梳打，不過不失～