金滿多餃子店

營業中

休息中

其實之前都有留意金滿多餃子店，因為佢唔單止有餃子食，佢仲有其他米線薯粉小食，枱與枱之間座位寬闊，有時買咗太多嘢，呢度會坐得舒服啲。而且估唔到呢度有電視睇。佢嘅餃子同湯底都算多選擇，我就揀咗煎餃芝士粟米餡，仲揀咗個蒜蓉拍黃瓜小食。小食就係會分辣同埋唔辣，所以真係幾多選擇。今晚有位小妹妹幫手執枱，目測佢應該八九歲，應該幫媽咪手。開胃小食嚟先，拍黃瓜不過不失。主菜芝士粟米煎餃子🥟🥟香噴噴，真係好好味一共七隻，外脆內軟，熱辣辣唔油膩易唔熱氣。粟米芝士餡好好味，粟米一粒粒好有口感，芝士香濃。今餐真係好好味，回味無窮。真心有興趣下次試埋佢其他嘢。