潮福蒸氣石鍋 (已結業)

我同屋企人喺7-10-2017去新蒲崗潮福分店食蒸氣鍋，食物很有質素，該店嘅員工整體服務態度都好好，特別想表揚一位叫做阿成嘅後生仔，當日返夜嘅，佢好耐心咁幫我地去蒸和牛片，同我哋講想將顧客俾錢買嘅食物都整得好食，做到物有所值。佢仲好有熱誠咁介紹該店唔少必食之選，而且仲做到一份細心，留意到有隻碗有水跡，即時將佢更換。當我地食到差不多的時候，怕浪費食材，佢積極同廚房溝通，應我哋嘅要求將每分order嘅量減少。今時今日後生仔有呢個咁好嘅態度去待客待食物真係好少有！下次再去食都會去新蒲崗分店！加油。