影片
更多
2023-03-19
89 瀏覽
同朋友去開太古城，朋友話想食新加坡嘢，咁啱得咁蹺上網又見到有一間咁就去試吓啦，仲見到佢有得用OpenRice嘅分去扣錢，去到見到都有好多人喺度食海南雞飯，朋友係新加坡人，佢話掛住肉骨茶咁就食肉骨茶，我就食海南雞飯。叫完餐就可以拎個感應器放區枱上面嘅感應器，咁就會有人送過嚟。先上嘅係新加坡肉骨茶配白飯餐，肉骨茶餐除咗有肉骨茶同白飯之外，仲有四舊油炸鬼，油炸鬼外皮香脆，內裏鬆軟，除咗就咁食之外，蘸少少肉骨茶調味亦都可以品嚐到肉汁嘅香味。而肉骨茶胡椒味就啱啱好，唔會話好辣，但胡椒味道較濃。同時肉鮮味香濃。入邊仲有豆卜、金菇、蒜頭、同埋幾舊排骨，份量充足。排骨亦煲到好腍，一咬就食到舊肉，但同時啲肉一啲都唔鞋，非常容易食，沾少少辣椒甜醬更加有風味。呢一隻湯連唔食辣嘅我都飲到，飲落去亦都好重肉嘅味道，朋友教落buk一啖飯再buk一啖湯咁食，咁就係最佳食法。海南雞飯就包湯同雞油飯，個湯就有雞油同埋蔥，飲落去好友雞油嘅香味，而且入邊亦都有嚿豆腐，令到口感又再唔同啲。雞油飯就好入味。雞就係無骨嘅雞，咁就食到啖啖肉，而且佢過冷河做得好好，可以食到嗰層滿滿骨膠原嘅啫喱。下面亦都有青瓜同埋一啲椰菜索晒佢嘅雞油
先上嘅係新加坡肉骨茶配白飯餐，肉骨茶餐除咗有肉骨茶同白飯之外，仲有四舊油炸鬼，油炸鬼外皮香脆，內裏鬆軟，除咗就咁食之外，蘸少少肉骨茶調味亦都可以品嚐到肉汁嘅香味。
而肉骨茶胡椒味就啱啱好，唔會話好辣，但胡椒味道較濃。同時肉鮮味香濃。入邊仲有豆卜、金菇、蒜頭、同埋幾舊排骨，份量充足。排骨亦煲到好腍，一咬就食到舊肉，但同時啲肉一啲都唔鞋，非常容易食，沾少少辣椒甜醬更加有風味。呢一隻湯連唔食辣嘅我都飲到，飲落去亦都好重肉嘅味道，朋友教落buk一啖飯再buk一啖湯咁食，咁就係最佳食法。
海南雞飯就包湯同雞油飯，個湯就有雞油同埋蔥，飲落去好友雞油嘅香味，而且入邊亦都有嚿豆腐，令到口感又再唔同啲。雞油飯就好入味。
雞就係無骨嘅雞，咁就食到啖啖肉，而且佢過冷河做得好好，可以食到嗰層滿滿骨膠原嘅啫喱。下面亦都有青瓜同埋一啲椰菜索晒佢嘅雞油。雞肉亦都十分之軟滑，食落去覺得好嫩口，份量亦都好多，佢嘅豉油係比較濃身同鹹啲，但係點完再加埋個飯食就啱啱好，薑蓉份量亦都好足夠，亦都可以見到薑嘅纖維。
沙嗲串燒拼盤
有牛豬雞肉各兩串，份量正常，當中亦都有青瓜，用嚟清一清味蕾去食下一舊肉類嘅串燒。本身沙嗲醬因為賣晒所以轉咗做咖喱汁，不過反而又有驚喜，食落去好惹味，而且啲汁好多，所以可以每一啖串燒都有咖喱嘅味道。對比之下，雞肉燒得最香口惹味，肉質爽口而且juicy，而且有好香嘅炭燒香味。牛肉同豬肉方面，調味適中，肉質軟熟。
跟餐就加咗個班蘭蛋糕配椰子雪糕，椰子雪糕有單單嘅椰子香味，再加埋花瓣食，又有咬口，食落清甜清爽，亦都唔會膩口，而且仲非常之大舊。斑蘭蛋糕亦都好鬆軟，斑蘭味突出，再落埋佢比嘅糖漿就更加有新加坡嘅風味，下次會再嚟試吓佢嘅肉骨茶。
張貼
