龍門冰室 (已結業)

原來呢間野都幾抵食。叫左個焗豆西冷牛扒飯。份量算多。午餐可以食到46蚊既西冷扒，開心！西冷大大塊，啱啱煎好，好熱。焗豆淋係飯度，撈埋一齊食，正。西冷煎得唔錯，唔會太老，有水份，加埋燒汁，好冰室feel！再叫埋蜜糖雞翼小食。六隻雞翼，煎得勁香。雞翼皮好脆，但入邊保留住水份。蜜糖既香味痴實係雞皮，又甜又脆。好快就食曬，因為好好味。好食！落雨天食呢啲熱辣辣野真係好享受。飲杯熱菜蜜，好暖。間野抵食既，典型平靚正。