影片
更多
2014-08-07
640 瀏覽
喺 AMC 又一城睇完戲，都係五點幾，於是同班 friend 出咗嚟尖沙咀行一陣。好啦，喺 iSquare 行到六點，明明仲係好肚餓（喺戲院食得太多爆谷）不過尖沙咀都冇乜嘢行，見到意粉屋個招牌，即刻同班 friend 過去食。因為仲係六點幾，仲有大把位坐，唔駛等位。餐廳唔算好大，但係座位寬躺，雖然裝修都係比較舊。嗌嘢食個陣時，我個 friend 問奶昔有咩味，個侍應去咗問廚房啲人，成三分鐘都唔返嚟，有第二個侍應見到我哋周圍望，就問我哋係唔係寫嘢，之後我哋同佢講個侍應寫寫下嘢唔知左去邊到，最後個侍應再過多幾分鐘先番嚟。無謂嘢唔講。先上飲品。 Strawberry Wonderland $40（唔計加一）杯嘢飲有一半係水果，一半係冰，啲汽水本身唔多。 Spaghetti Super Seafood Deluxe in Mushroom Cream Sauce $98（唔計加一）呢度啲侍應真係好笑，係，佢哋服務態度幾好，不過一路上菜一路唱歌？唔係講笑吖嘛，你哋可唔可以專業啲啫！至於碟嘢，份量都幾大碟，餸又多，味道就過得去食唔死你。埋單（計埋加一）151.8蚊，係貴過 PizzaHut，但係服
好啦，喺 iSquare 行到六點，明明仲係好肚餓（喺戲院食得太多爆谷）不過尖沙咀都冇乜嘢行，見到意粉屋個招牌，即刻同班 friend 過去食。
因為仲係六點幾，仲有大把位坐，唔駛等位。餐廳唔算好大，但係座位寬躺，雖然裝修都係比較舊。
嗌嘢食個陣時，我個 friend 問奶昔有咩味，個侍應去咗問廚房啲人，成三分鐘都唔返嚟，有第二個侍應見到我哋周圍望，就問我哋係唔係寫嘢，之後我哋同佢講個侍應寫寫下嘢唔知左去邊到，最後個侍應再過多幾分鐘先番嚟。
無謂嘢唔講。先上飲品。
Strawberry Wonderland $40（唔計加一）
杯嘢飲有一半係水果，一半係冰，啲汽水本身唔多。
Spaghetti Super Seafood Deluxe in Mushroom Cream Sauce $98（唔計加一）
呢度啲侍應真係好笑，係，佢哋服務態度幾好，不過一路上菜一路唱歌？唔係講笑吖嘛，你哋可唔可以專業啲啫！至於碟嘢，份量都幾大碟，餸又多，味道就過得去食唔死你。
埋單（計埋加一）151.8蚊，係貴過 PizzaHut，但係服務，味道同埋格局都好過佢。
題外話/補充資料：
又收加一呃錢。
(以上食評乃用戶個人意見 , 並不代表OpenRice之觀點。)
張貼