Oppa Chicken

營業中

休息中

最近又來到里間oppa chicken,搬左新鋪頭地方大左坐得舒服左，但嘢食嘅水準亦都keep住無下跌，我同女朋友兩個人叫咗芝士雞蛋捲同安東雞，仲有點少得韓國炸雞。先來芝士雞蛋捲好香，一夾落去好多芝士仲會連住，加上面頭有啲沙律醬食落去口感好豐富又軟綿綿，價錢大約50幾蚊之後叫咗一個60幾蚊有七件嘅蜜糖脆雞，雞塊食落口非常之好食，有種好趣嘅感覺，可能佢表面落咗啲麵包糠嘅嘢一齊去炸，食落口嘅口感非常之脆，而且配合蜜糖食甜甜地好好食。最後安東雞份量都幾多，個汁就非常之嘢味，辣辣地非常之開胃但雞塊就有少少鞋唔夠滑，個底就有河粉索晒啲汁最欣賞就係佢。最後就叫個青檸梳打都唔錯。