Burger Deli (已結業)

今日二人同行黎到西貢，準備入camp，咁就諗住搵下好野食，我個fd突然間話想食漢堡包，難得黎到西貢，冇理由去食m記，最後就揀左依間。依間係冇得室內食，全部都係室外再加把太陽傘，幾有外國feel，再加埋有好多鬼佬係到食。望到餐牌發覺價錢都幾昂貴，所以小弟就揀左最平既classic burger，都要五六蚊，叫完等左陣就有得食一食落口就發覺物超所值，d肉汁爆晒出黎，牛肉鮮嫩可口，真係好好食，再加埋成個環境真係好有feel，推介各位得閒黎食。