KOI Thé (已搬遷) 新店位置

見到門口個杯"焦糖紅茶瑪奇朵"影得好吸引，兩個人就share一杯試下。紅茶瑪奇朵（大杯）$31，少甜少冰原來係奶蓋紅茶，被fake了。個杯好似比貢茶大少少，因為個奶蓋起晒泡，茶既份量應該得3/4杯。店員在杯蓋邊𠝹一個口，唔駛飲筒都飲到，咁樣飲奶蓋，就可以令d茶隔住奶泡咁流入口，奶味會濃d，同埋突出到佢奶泡既質素，幾聰明。奶泡芳香幼滑，紅茶甘香，飲到最後兩樣溝埋左，都仲可以一啖裡面飲得出奶同茶各自既香味，質素唔錯。總括黎講，味道係好，不過呢個份量收＄31就太貴了，＄26就差唔多。