珍妮曲奇 (已搬遷) 新店位置

同事成日都講Jenny 既Cookies 好好味，咁啱今日經過尖沙咀，咪諗住買一罐返公司請同事食。 早上11點幾入到商場，發現d舖咪開門，心諗會唔會白行一次呢，行左一個圈都唔見間舖，唯有走去問reception既人，好彩最後都揾到。我諗Jenny 真係好好生意，如果唔係一早都唔會有兩個人一齊開舖，我買緊曲奇既時候，陸續都有人來買。最後我買左罐8款(細) 曲奇$95係8款曲奇中，我自己就鐘意食合桃同腰果味，曲奇入口鬆化，牛油味香濃，同澳門某間出名I既腰果曲奇一樣咁好食；不過我覺得有果仁個幾款曲奇味道差唔多，難於分辨。除左曲奇之外，我好鐘意個Teddy Bear 罐，食哂d曲奇之後，仲可以用返個罐，夠哂環保。