影片
更多
2022-08-01
142 瀏覽
"今 晚 要 鋸 扒!"上集講到，中午去咗太子始創中心 PBTea 鋸扒 (見另文)，女友小熊又話晚餐要鋸扒，屈服於暗黑勢力，於是請佢去鋸扒.原本想話去旺角花園餐廳，腦筋一轉，提意不如去大家樂或者大快活啦!小熊有小熊鋸扒，我有我食中餐西餐燒味飯!"你請?""係係係...... 請請請....."暗黑勢力強橫，我又無原力，我請我請我請..... 佢點咗西冷，我點咗豬軟骨飯.優點:1, 西冷塊鐵板夠熱!淋上黑椒汁發出獨有咋咋聲，聽覺享受.2, 鐵板餐嘅配菜雖然唔係我喜歡嘅三色豆，但係配上洋蔥都係一個好選擇，好過配椰葉.3, 西湯有酥皮提供!正!4, 西冷肉質更鮮嫩鬆軟 Juicy, 比 PBTea 口感更好, 價錢比 PBTea 更平.5, 豬軟骨嘅茨汁份量不少.6, 老火湯肯定無落味精，因為味道偏淡，夠健康.7, 冷氣足夠.缺點:1, 餐牌就有一哥焗豬扒飯，去自助點餐就無顯示，局轉豬軟骨飯.2, 西湯有酥皮洋蔥湯，但落咗單就話無哂酥皮!扣最多分!3, 無酥皮已經嬲嬲豬，重要個洋蔥湯咸過海水，加冰粒都重係過咸，好彩老火湯淡茂茂，加者合併剛剛好.4, 食第一件豬扒骨，軟骨位唔夠軟，個心冷咗一
上集講到，中午去咗太子始創中心 PBTea 鋸扒 (見另文)，女友小熊又話晚餐要鋸扒，屈服於暗黑勢力，於是請佢去鋸扒.
原本想話去旺角花園餐廳，腦筋一轉，提意不如去大家樂或者大快活啦!
小熊有小熊鋸扒，我有我食中餐西餐燒味飯!
"你請?"
"係係係...... 請請請....."
暗黑勢力強橫，我又無原力，我請我請我請.....
佢點咗西冷，我點咗豬軟骨飯.
優點:
1, 西冷塊鐵板夠熱!淋上黑椒汁發出獨有咋咋聲，聽覺享受.
2, 鐵板餐嘅配菜雖然唔係我喜歡嘅三色豆，但係配上洋蔥都係一個好選擇，好過配椰葉.
3, 西湯有酥皮提供!正!
4, 西冷肉質更鮮嫩鬆軟 Juicy, 比 PBTea 口感更好, 價錢比 PBTea 更平.
5, 豬軟骨嘅茨汁份量不少.
6, 老火湯肯定無落味精，因為味道偏淡，夠健康.
7, 冷氣足夠.
缺點:
1, 餐牌就有一哥焗豬扒飯，去自助點餐就無顯示，局轉豬軟骨飯.
2, 西湯有酥皮洋蔥湯，但落咗單就話無哂酥皮!扣最多分!
3, 無酥皮已經嬲嬲豬，重要個洋蔥湯咸過海水，加冰粒都重係過咸，好彩老火湯淡茂茂，加者合併剛剛好.
4, 食第一件豬扒骨，軟骨位唔夠軟，個心冷咗一半，豬軟骨精髓係D軟骨炆到夠冧可以食埋，如果煮得變硬同蒸排骨無分別啦!
好彩只係一舊有問題啫!而豬肉都炆得鬆軟，合格啦!
諗諗吓條氣唔順，我都無做錯點解要我俾錢？等黑帝訓著較偷番佢兩舊水補數！
晚餐豬軟骨飯
11 瀏覽
0 讚好
0 留言
老火湯
3 瀏覽
0 讚好
0 留言
鐵板紐西蘭西冷
4 瀏覽
0 讚好
0 留言
張貼
