Misu Seafood Cuisine

營業中

休息中

今日到合和中心上堂，中午求其揾一間附近餐廳食嘢，OP睇到哩間餐廳評價唔錯，咁試試啦。餐廳用咗好多花花裝飾，求其揾位影相都好好靚。Weekend都提供lunch set，有十幾款可以揀，每款套餐都包埋面豉湯，日式蒸蛋，野菜沙律，主食同甜品。野菜沙律用咗日式沙律醋，落咗大量魚籽，食落好清爽好fresh，口感好豐富。日式蒸蛋，造型好得意，擺咗兩隻日本菇係杯頂，蒸蛋好幼滑，水準好高。珍味海鮮丼，有差唔多十款當季刺身，仲加埋一隻磯煮鮑魚。鮑魚煮得好惹味，入口好軟嫩鮮甜。刺身裡面最鐘意帶子，厚切得來仲好大一件，全部刺身都好新鮮。蔥碎拖羅鮮味拼盤，哩個套餐勁豐富，有刺身，壽司同埋兩小碗丼飯。壽司飯同外面調味有少少分別，唔會咁酸，食落有少少甜味。蔥碎拖羅丼，拖羅蓉比得好豪，加入少少刺身醬油，食落好鮮甜肥美。糯米糍，飯後甜品，朱古力味道，OK。