影片
更多
2019-08-25
718 瀏覽
講開食車仔麵又點少得呢一間食店? 呢間食店根本上由師傅細細個食到而家，真係食咗幾十年，睇住佢嘅變化都唔少。最近都有一段好長時間冇嚟食過，既然寫得車仔麵食評，當然唔少得佢啦，趁著今日下晝有少少肚餓，就嚟食個下午茶 ，順便認真品評下佢嘅質素。由於係下午茶時間，五點鐘左右，所以人唔多，行入去就可以即刻柯圢，對住個哥仔，先揀麵底，師傳是日就揀咗兩個幼麵，等佢煮完之後，佢就會攞個碗個隔比食客揀餸，師傅一口氣就嗌咗幾款餸，分別係 豬紅，豬皮，豬腸，蘿蔔，牛筋五個餸，揀完比埋錢就可以攞碗麵返去，面壁思過食碗麵。一如以往，師傅先試下佢個湯底，坦白講湯底並非什麼出色嘅嘢，但係硬係覺得佢個腩汁好好味好吸引，所以次次食嘅時候都會飲多幾啖。之後再食下佢個豬紅，呢度嘅豬紅係比坊間嘅車仔麵更為特別，最重要嘅其中之一個因素，就係佢唔係一粒粒，而係一份份咁，好似啲豆腐一份份咁，薄薄嘅大大份長方形咁，樣望落去係幾吸引，入口發覺豬紅好滑身，但係可惜係冇乜味道，即係個滷得唔夠入味，通常師傅都會加少少辣醬黎食，豬紅除咗滑之外，就冇其他特別嘅野，所以呢度嘅豬紅係會有滑溜溜嘅口感，有種好似食緊豆腐嘅感覺，咁多年嚟唯一冇變嘅相信就
由於係下午茶時間，五點鐘左右，所以人唔多，行入去就可以即刻柯圢，對住個哥仔，先揀麵底，師傳是日就揀咗兩個幼麵，等佢煮完之後，佢就會攞個碗個隔比食客揀餸，師傅一口氣就嗌咗幾款餸，分別係 豬紅，豬皮，豬腸，蘿蔔，牛筋五個餸，揀完比埋錢就可以攞碗麵返去，面壁思過食碗麵。
一如以往，師傅先試下佢個湯底，坦白講湯底並非什麼出色嘅嘢，但係硬係覺得佢個腩汁好好味好吸引，所以次次食嘅時候都會飲多幾啖。之後再食下佢個豬紅，呢度嘅豬紅係比坊間嘅車仔麵更為特別，最重要嘅其中之一個因素，就係佢唔係一粒粒，而係一份份咁，好似啲豆腐一份份咁，薄薄嘅大大份長方形咁，樣望落去係幾吸引，入口發覺豬紅好滑身，但係可惜係冇乜味道，即係個滷得唔夠入味，通常師傅都會加少少辣醬黎食，豬紅除咗滑之外，就冇其他特別嘅野，所以呢度嘅豬紅係會有滑溜溜嘅口感，有種好似食緊豆腐嘅感覺，咁多年嚟唯一冇變嘅相信就係呢一樣嘢。
之後再試下個豬皮，豬皮本身個嘥屎唔算好大份，量都唔算好多，入口發覺有的幾爽，但大部分都腍，個品質都幾參差，食咗咁多年講真好似越做越曳，失敗。再嚟講下個蘿蔔，蘿蔔唔算好大舊，但係啱啱好可以每次擺得曬一舊係個口，佢就滷得好入味，蘿蔔本身白色，但上碗時已係深色的，蘿蔔本身好甜，但可惜有渣，呢下真係完全接受唔到，師傅好日唔食蘿蔔，一食就有渣，真係令師傅非常失望。
再講下個牛筋，牛筋又冇乜特別，唯一可取就係好腍，但唔夠膠，如果再膠少少就正。最後豬腸，豬腸亦都係呢一間食店，師傅其中最欣賞嘅一款食物，豬腸肥瘦適中，炆得好腍，入口佢係有一種好特別嘅香味，係令個大腸特別好味，所以師傅好喜，暫時亦係唯一款保持得到嘅食物。
最後講下個幼麵，幼麵煮得正正常常，普普通通又唔會太腍，但唔會太爽口，麵香味完全冇，唔會令到你有繼續食嘅衝動，講真個麵其實都算幾失敗。
總括嚟講食物質素普通，但師傅作為食咗咁多年嘅食客，就覺得個佢水準不斷下降，越來越走樣，價錢亦唔算話好平，五個餸兩個麵，埋單54蚊 。似乎同區有更多選擇，環境唔會特別乾淨，亦都唔會特別舒服，面壁思過已經成為一種習慣，最啱一條冷又唔想同人搭嘅人。
諗番以前師傅喺呢度食車仔麵嘅時候，係有好多餸可以選擇，味道更好，淨係單單講個麵底已經出色過今時今日，呢種面底已經唔係以前嘅來貨，師傅深信係入唔返呢一種貨，甚至乎可能已經失傳 。以前個麵底又香又好食，非一般生麵，總言之係一隻好好食嘅麵餅。以前有嘅餸例如有牛肚，炸豆腐等，而家已經冇，最多得返豆卜，所以感覺食店越做越少嘢食，亦都覺得佢地越做越冇以前咁出色，老實講同區真係有太多選擇，再嚟呢度全因為情意結呢三個字，笑面真係比唔到喇!
張貼
