影片
更多
2019-09-18
419 瀏覽
早幾日師傳一支公喺老銅，諗緊食乜好之際，忽然醒起呢度有間車仔麵，都算歷史悠久。從前師傅都黎唔少次，係近期少左，可能少左喺呢區，又可能因為附近開多左間車仔麵啦，而師傅對呢間食點印像一向都係普普通通，不過既然寫得車仔麵又點少得佢呢?入到食店，人又唔多，唔知關唔關呢期少遊客呢? 不過師傅一於少理，入到去坐低，就攞張紙出黎埋頭苦幹咁劃。於是一口氣劃左六個餸，先叫米粉，餸就揀左辣豬紅，辣豬皮 ，豬腸，牛筋，牛柏葉同埋墨魚卷，配上腩汁同埋中辣，跟住就將張單交左比伙計。等左唔使好耐就有得食，呢間食店向來出位嘅都係個辣汁，所以如果唔食辣，其實真係倒不如唔好黎，所以先試湯底，湯底香香濃濃，味道不俗，再撈埋佢個辣醬汁，簡直係非常惹味，中辣都真係有一定辣度，唔係講玩笑嘅。再試下個辣豬紅，點解叫做辣豬紅，因為佢真係用辣汁滷豬紅，坦白講坊間有豬紅嘅食店都唔少，但係講到明自己係辣嘅，呢間應該係其中一間。豬紅本身都幾滑口，一粒粒的豬紅，入口都算舒服，唔會一夾就散，加上辣口幾鬼惹味，所以次次師傅黎都會食呢個辣豬紅。至於辣豬皮都係同一道理，坊間真係好少有地方會整辣豬皮，雖然佢嘅辣豬皮煮得唔爽，係腍口，但係唯一欣賞佢嘅地
入到食店，人又唔多，唔知關唔關呢期少遊客呢? 不過師傅一於少理，入到去坐低，就攞張紙出黎埋頭苦幹咁劃。於是一口氣劃左六個餸，先叫米粉，餸就揀左辣豬紅，辣豬皮 ，豬腸，牛筋，牛柏葉同埋墨魚卷，配上腩汁同埋中辣，跟住就將張單交左比伙計。
等左唔使好耐就有得食，呢間食店向來出位嘅都係個辣汁，所以如果唔食辣，其實真係倒不如唔好黎，所以先試湯底，湯底香香濃濃，味道不俗，再撈埋佢個辣醬汁，簡直係非常惹味，中辣都真係有一定辣度，唔係講玩笑嘅。
再試下個辣豬紅，點解叫做辣豬紅，因為佢真係用辣汁滷豬紅，坦白講坊間有豬紅嘅食店都唔少，但係講到明自己係辣嘅，呢間應該係其中一間。豬紅本身都幾滑口，一粒粒的豬紅，入口都算舒服，唔會一夾就散，加上辣口幾鬼惹味，所以次次師傅黎都會食呢個辣豬紅。至於辣豬皮都係同一道理，坊間真係好少有地方會整辣豬皮，雖然佢嘅辣豬皮煮得唔爽，係腍口，但係唯一欣賞佢嘅地方係豬皮滷得夠耐，索曬啲辣汁，所以入口係非常香辣惹味，呢個師傅都會畀多少少分，可以啦。
至於豬腸就真係炆得幾腍，不過口感就好曳，入口感覺係有渣，普通，基本上可以不食。至於牛栢葉份量都唔少，灼得幾爽口，加埋呢個辣汁一齊食，都真係可以，不俗。之後就到牛筋，牛筋炆得好腍，入口鬆軟加上黏嗰種口感，非常好。最後係墨魚卷，呢個就比較敗筆，一條墨魚卷好地地，比佢切到好薄，咁樣分分鐘仲薄過炸魚片，加上口感普通，唯一可取係墨魚幾香，但再食機會不大。米粉沒有特別，正正常常。
總括黎講食物質素亦都算中規中矩，辣豬紅同辣豬皮真係值得一試，因為坊間唔係好多地方有，環境正常唔會話超乾淨，亦都唔算話好污糟，價錢都唔算話好相宜，十蚊一個餸 ，六餸一麵埋單70蚊，加多支汽水80蚊走人，抵食度唔見得，不過唯一可取係佢嘅辣真係幾辣同惹味，如果鍾意食辣嘢又咁啱又想食車仔麵的話，呢間都係不錯嘅選擇。
五個餸師傅又唔多夠，七個餸又多過頭，除非碗麵係超級大碗，否則師傅通常都係食六個餸一麵。曾經有人同師傅訴說，叫師傅多寫食評，如果有時間，師傅當然會滿足所求啦。是次笑臉可以比，係因為辣豬紅同辣豬皮，但再黎就要睇緣份。
11 瀏覽
0 讚好
0 留言
張貼
