影片
更多
2021-05-02
8333 瀏覽
因為家中法國人好喜歡食點心, 而我自己對點心係極度咀刁嘅關係, 我哋食過好多香港同澳門出色、高質又高檔嘅點心, 例如明閣、The Eight、Mott32之類, 但呢一間新開嘅福和雍都依然令我有驚喜❤️呢度嘅地點位於中環心臟地帶嘅娛樂行, 無敵方便; 裝潢方面, 行緊兩層樓上嚟嘅時候諗, 咦, 高檔點心嚟講, 環境好似幾open 咁喎? 但一入到餐廳坐低, 又突然覺得好似坐咗喺一個古典嘅境地, 感覺好特別, 有一種別有洞天嘅感覺。呢一間福和雍據聞係名人飯堂廚師班底製作點心, 所以我哋第一次嚟就兩個人一次過試咗超越我哋二人份量嘅點心, 包括平時叫開嘅蝦餃、燒賣、明蝦閣, 仲有老闆推介嘅鳳眼餃、韭菜炸蟹盒、蘿蔔絲酥餅、鵲巢黃金蛋、蛋黃千層榚同芝麻榚。點樣釐定一間點心高與低質, 我自己有古怪嘅一套理論, 首先睇水晶皮, 係唔係少少恰到好處嘅彈牙, 當你咬一個點心, 佢係唔係喺一個啱嘅timing去爆開; 之後d 餡係唔係有層次嘅咬感與口感, 相信呢個同蝦嘅質素同蝦滑/豬肉滑嘅手工有莫大關連; 另外係味道, 係唔係到位, 好重要係香味有冇驚喜, 例如, 咦? 佢落咗d 咩呢?? 呢d 係叫驚喜;
呢度嘅地點位於中環心臟地帶嘅娛樂行, 無敵方便; 裝潢方面, 行緊兩層樓上嚟嘅時候諗, 咦, 高檔點心嚟講, 環境好似幾open 咁喎? 但一入到餐廳坐低, 又突然覺得好似坐咗喺一個古典嘅境地, 感覺好特別, 有一種別有洞天嘅感覺。
呢一間福和雍據聞係名人飯堂廚師班底製作點心, 所以我哋第一次嚟就兩個人一次過試咗超越我哋二人份量嘅點心, 包括平時叫開嘅蝦餃、燒賣、明蝦閣, 仲有老闆推介嘅鳳眼餃、韭菜炸蟹盒、蘿蔔絲酥餅、鵲巢黃金蛋、蛋黃千層榚同芝麻榚。
點樣釐定一間點心高與低質, 我自己有古怪嘅一套理論, 首先睇水晶皮, 係唔係少少恰到好處嘅彈牙, 當你咬一個點心, 佢係唔係喺一個啱嘅timing去爆開; 之後d 餡係唔係有層次嘅咬感與口感, 相信呢個同蝦嘅質素同蝦滑/豬肉滑嘅手工有莫大關連; 另外係味道, 係唔係到位, 好重要係香味有冇驚喜, 例如, 咦? 佢落咗d 咩呢?? 呢d 係叫驚喜; 炸物就都係鬆+脆+油香係要維持一個微妙嘅平衡, 咬落去好似經歷咗N百層嘅小脆感, 去到一個以上面所講嘅上盛嘅餡嘅質素, 就為之上盛。
而福和雍絕對做到以上我對高質素嘅要求, 點心皮軟但不失彈牙, 餡嘅質感有層次同味道有驚喜, 炸物做得異常出色!
鳳眼餃/ 蝦餃
189 瀏覽
1 讚好
0 留言
絕對符合我以上講嘅高質皮, 好軟身, 但又不失彈牙, 蝦非常爽口, 同豬肉又令到一隻小小嘅餃, 有至少三種咬感同香味, 味道做得非常之好。
鳳眼餃 $48
同上, 基本嘢唔多講, 佢上面係唔記得咗係魚定帶子, 下面有類似菠菜定韮菜, 成件事好清新, 同因為唔係常見點心, 就會不停諗, 係咩嚟嫁呢? 係咩嚟嫁呢? 呢個就係我上文所講嘅驚喜同趣味。
燒賣/ 蘿蔔絲酥餅 /鵲巢黃金蛋
346 瀏覽
1 讚好
0 留言
當出面嘅燒賣已經浮誇到咩都會放喺頂, 例如鮑魚、魚籽、金泊、鵝肝、松露, 福和雍反而喜歡同我哋玩玩傳統, 就係香菇燒賣, 而呢種菇香, 並非浪得虛名, 係真心香, 同老闆話佢哋度咗一輪, 決定唔係100%跟傳統造法, 而係加返少少蝦滑同蝦, 令佢比起真正傳統嘅香菇燒賣有返多少少層次, 而佢哋呢個決定做得好成功, 推介!
以上蒸點都係非常推介, 唯一美中不足嘅地方, 係好多香港人都係辣椒油送點心, 無論點心做得幾出色都好, 唔知點解硬係就想點下辣椒油; 佢嘅辣椒油係plain 嘅齋油, 事實上, 辣椒油嘅質素同茶其實係同等重要, 所以絕對可以花多少少心思去揀。
鵲巢黃金蛋(左) $88
鵲巢炸物多數都唔會差得去邊, 但呢個鵲巢黃金蛋嘅油香同脆同散法(無錯, 係散法) 都係處理得相當唔錯, 作為一個要扮elegant 嘅女性嚟講, 成舊嘢咬得落咬得斷又唔難handle, 呢一點非常重要, 一咬開仲要見到隻鵪鶉蛋, 真係超開心!
蘿蔔絲酥餅
$48
257 瀏覽
0 讚好
0 留言
蘿蔔絲酥餅 $48
而家市面上有好多好出色嘅蘿蔔絲酥餅, 有一d 重點行喺個皮度, 個樣古怪得意得嚟咬落好脆; 呢一個蘿蔔絲酥餅反而係走一種傳統、平衡、極緻、完美嘅路線, 佢要嘅唔止係個皮做得好, 係成個蘿蔔絲酥餅包括個餡都係storyline 嘅一部份, 佢個皮唔係行N 個小脆感嘅路線, 而係一個有層次由皮到餡都鬆+軟+脆->滑。佢嘅餡做得好滑好滑, 味道少鹹加鮮加香, 再加上皮嘅油香, 成件事簡直係無與倫比。呢係我食過其中一個最出色嘅蘿蔔絲酥餅。
明蝦閣/ 韭菜炸蟹盒
159 瀏覽
0 讚好
0 留言
呢個點心我要利申我唔係一個適當人選去評價, 因為我唔食芫茜, 呢個明蝦閣比較重油味同芫茜味, 所以已經蓋過晒我所有嘅味蕾。
韭菜炸蟹盒 (後) $88
都係其中一個signature dish, 薄薄嘅蟹盒, N 個小脆口嘅感覺, 加上菜同蟹又夾得啱啱好, 正!
蛋黃千層榚
$68
213 瀏覽
0 讚好
0 留言
蛋黃千層糕 ($68)
由於佢哋未有奶黃包嘅關係, 就唯有試下平時好少叫嘅蛋黃千層糕, 唔講唔知原來傳統千層糕係只有五層LOL 真係長知識! 呢個千層糕好有蛋香, 中間有合桃同nuts 味, 濃郁有咬感。
芝麻糕
$48
162 瀏覽
3 讚好
0 留言
芝麻糕 ($48)
佢哋一上呢碟嘢嘅時候, 個感覺好怪異, 覺得...... 好似層相識嘅感覺, 好似一舊graphite.... 諗咗一晚, 終於諗到, 係一個軟嘅墨硯定墨磨 LOL 當佢個樣係咁平實, 但食落係非常有驚喜, 好香好香好香嘅芝麻香, 就好似福元湯圓嘅芝麻餡, 味道較輕一格仔, 變成咗一個好似泰式椰汁糕嘅質感嘅芝麻甜品。個樣係好笑咗少少, 但絕對會100% 推介
鳳眼餃
$48
188 瀏覽
0 讚好
0 留言
張貼
