黑澤先生私房菜

營業中

休息中

為左慶祝媽媽生日，妹妹同我都不敢怠慢，所以我地早喺媽媽生日之個多月已搵緊餐廳。可惜因為土地供應問題，而家香港大部份餐廳都只有1.5小時用餐時間，而且座位也比較擠逼，想一家人舒舒服服慢慢食餐一d都唔易。好彩，俾我搵到呢間日本私房菜，佢每日只招待一組客人，而且價錢合理，啱曬我地要求。由於不容有失，又驚book唔到，所以我一個月前已透fb message book枱。終於到食飯果日，講真都幾遠，喺西鐵站仲要轉的士去，上左車，黑凙太太就會預時間出黎接你去佢地屋企。一去到，枱已經set好，同黑澤太太同大廚黑澤先生傾左幾句，已經忍唔住要開動!一去到已set好喺枱面既有漬物同溫泉蛋烏冬。日本既漬物係好正，平時我唔多食呢類野都食曬，至於溫泉蛋烏冬，溫泉蛋生熟適中，又夠蛋香，烏冬亦彈牙。而冚住果碗係野菜煮鮑魚(唔記得打開影)，鮑魚𠝹左花，唔"un"，但野菜先係重點，鮮甜無比，不能錯過！之後到刺身，超新鮮！帶子超大粒又鮮甜！隻蝦彈牙多羔！而卜口亦滿油香！大滿足！再黎有什錦天婦羅(無相)、野菜天婦羅飯同三文魚麵豉湯。呢幾樣比較失色，天婦羅比較油，而麵豉湯可能太足料，又d過咸。主菜係澳洲和牛，因為我一早同黑澤