影片
更多
2006-12-09
31 瀏覽
終於等到阿sir passing out既一日星期六晨咁早爬起身仆入黃竹坑在auntie猜領左攝右攝之下終於見證到呢個重要時刻睇完步操之後有兩個鐘頭空檔先可以影相Uncle 同Auntie好有心帶晒我地一行六人出香港仔飲茶左搵右搵終於搵到呢間比較企理既茶樓一開閘auntie就叫個侍應姨姨埋黎「有無灌湯餃?有就一人一隻!另仲有咩好食?」「下?我地樣樣都好食喎」「咁有無特別好食架?」「下?樣樣都好架真係」…就係咁講講下auntie就劃左18碟點心自從五歲食過一次灌湯餃之後就再無機會品嚐今次再食呢度都算相當足料味精湯也不算太口渴其實食完已經飽了四份之一另外12碟蝦餃燒賣牛肉出色講不上但賣相都不俗食到一半auntie就推動uncle出大排檔搵食再黎第二輪豆沙鍋餅小籠飽各兩碟再加抄手同油菜「唔係咁快飽下嘛?」auntie說四個後生仔真係自愧不如但又唔想浪費唯有繼續支持有班師傅專責整既上海野不過一間普通酒樓手勢又想有幾好丫如是者食左個幾鐘Auntie竟然等到燒味部開檔再黎一碟燒腩仔剛開檔加上手勢好腩仔的確係脆皮加鮮味不過真係飽到只能一件起兩件止總數三十幾碟仲要碟碟都係豪野不過晨早特價多竟然只係三百
星期六晨咁早爬起身仆入黃竹坑
在auntie猜領左攝右攝之下
終於見證到呢個重要時刻
睇完步操之後有兩個鐘頭空檔先可以影相
Uncle 同Auntie好有心
帶晒我地一行六人出香港仔飲茶
左搵右搵終於搵到呢間比較企理既茶樓
一開閘auntie就叫個侍應姨姨埋黎
「有無灌湯餃?有就一人一隻!另仲有咩好食?」
「下?我地樣樣都好食喎」
「咁有無特別好食架?」
「下?樣樣都好架真係」…
就係咁講講下auntie就劃左18碟點心
自從五歲食過一次灌湯餃之後就再無機會品嚐
今次再食呢度都算相當足料
味精湯也不算太口渴
其實食完已經飽了四份之一
另外12碟蝦餃燒賣牛肉出色講不上
但賣相都不俗
食到一半auntie就推動uncle出大排檔搵食
再黎第二輪
豆沙鍋餅小籠飽各兩碟再加抄手同油菜
「唔係咁快飽下嘛?」auntie說
四個後生仔真係自愧不如
但又唔想浪費唯有繼續支持
有班師傅專責整既上海野
不過一間普通酒樓手勢又想有幾好丫
如是者食左個幾鐘
Auntie竟然等到燒味部開檔再黎一碟燒腩仔
剛開檔加上手勢好
腩仔的確係脆皮加鮮味
不過真係飽到只能一件起兩件止
總數三十幾碟仲要碟碟都係豪野
不過晨早特價多
竟然只係三百幾蚊!
咪理班阿姐叫極唔應
傳菜更加係講國語聽唔明廣東話
但的確是早起的鳥兒有虫吃啊
餐桌上聽到不少棉乾絮濕的小故事
加上全天的特殊經歷
做左咁多野結論都係一句
「做阿媽既唔錫仔有咩好做丫?」
其實
對我地咁客氣都係錫仔既其中一種表達者
收到未呀仔?
張貼