渝薌烤魚

營業中

休息中

最近天氣嚴寒，日日氣溫都跌到單位數。天氣凍呢幾日就日日打邊爐食雞煲，食到都厭厭地。今日正好約咗朋友飯聚提議食烤魚，而朋友又有間放口袋好耐嘅餐廳想食，咁我哋就約埋試試佢。餐廳位於九龍城衙前塱道，港鐵宋皇臺站步行一分鐘左右就到，非常方便。入到餐廳眼見多數人都係食烤魚，心諗一定好食先會咁多人叫。我哋二話不說就決定食烤魚同串燒。泡椒味烤鉗魚（全條大） $368表面鋪滿色彩繽紛嘅洋蔥、芫荽、泡椒、紅辣椒等等。單靠視覺效果都已經令我食慾大開。鉗魚鮮味甘甜，肉質嫩滑結實又夠大條，食落啖啖肉無幼骨，可以放心食用。而湯底濃郁泡椒香味，非常惹味。寬薯粉（跟烤魚附送）食得烤魚又點少得寬薯粉。煮熟後晶瑩剔透，食落煙煙韌韌，索埋泡椒辣湯汁一齊食。簡直絕配！萵笋 $42萵笋口感鮮嫩爽脆，清新開胃。清新感覺可以減少烤魚帶來的油膩感，必食！炸魚皮 $30魚皮炸得金黃香脆，食麻辣烤魚必配！新鮮白鱔串 $52白鱔肉質新鮮，肥美厚身。外皮燒到脆卜卜，相當香口美味！整體餐廳評分很高。餐廳環境闊落舒適，枱與枱距離充足，好適合一大班朋友飯聚。店員服務態度好又夠細心，食材新鮮款式又夠多樣化，唔止有烤魚仲有辣蟹，串燒，特色小食等等。