肥媽屋

營業中

休息中

十年前已經係荃灣街邊個個排隊買,以往成日經過都無幫趁過,其後轉去專線小巴站附近,先有機會接觸,驚覺以前係土瓜灣落山道街邊檔口味竟然返黎.雖然太太會認為味精重又偏咸,自己又唔係成日食,都不以為然.到依家,又係因為租貴,終於搬到街市頂,要搵其實唔難,不過門面同以前一個天一個地.而各種配料亦寫在殘破水牌上.一如以往,豬腸,魷魚,豬皮及菜,與及淥到過火既幼麵,放係懷舊破碟之上,即時好似時光倒流三十年.講真,豬腸炆得夠腍同入味,脂肪位盡去,魷魚爽口,鹼水味其實去得未夠清,豬皮蘸上少許蠔油,好味得多.越食到底,麵條越咸,真係唔落蠔油可能仲好.