打吡餐廳酒吧

營業中

休息中

唔經唔覺廿年前自己做學生時，呢度都係我嘅飯堂，宜家見到莘莘學子中午喺度食飯，令我諗起好多讀書時嘅往事。呢間酒吧餐廳格調較暗，裝修獨特，室內的桌、椅以木為主，當然少不了以足球為主的裝飾，例如：球隊嘅旗、球衣……等。賣完酒嘅“吉”樽用嚟裝飾呢度嘅午餐一D都唔失禮。雖然六、七十蚊有交易，但塊牛扒份量唔少，質素都唔差，係我常揀的午餐。只要加多十蚊仲有餐湯及蒜蓉法包，我極力推介這裡的羅宋湯，蕃茄味香濃，材料充足，有大量的蔬菜，食味不錯。配上香軟的法包，别有一番滋味。我很建議老饕們多花這十塊錢，很值得喲。午餐附上的餐茶餐廳每日提供六款午餐，任君選擇，食物有一定的水準，份量也很充足，價錢卻大眾化。怪不得成為鄰近學生及打工仔嘅飯堂，午市時真是一位難求。