Dandy House (已結業)

朋友/舊同事都係鰂魚涌返工, 閒時都會約下佢地去Dandy食Lunch, 貪佢地點夠忍閉, 你知啦, 有時要搵下朋友/舊同事去呻下, 食食下撞到同事咪好尷尬!?Dandy係海山樓, 由涼茶舖個窿行到最入先見到, 係英皇道根本係望唔到的, 所以我稱之為"安全屋"! 佢既食物都唔差, 我通常都食all day breakfast, starter可以揀湯/沙律, 沙律係鮮果+yogurt dressing果種, 食過一次都ok架, 都幾多生果, 同埋個yogurt dressing唔係好酸, 不過我唔食火龍果, 所以試過一次之後都係揀湯飲; all day breakfast都大份, 而且有2款揀, 我鍾意食有薯餅果款, 薯餅就係普通三角形果種, 同埋都鍾意佢塊麵包, 係英式既整法, 搽滿牛油係塊麵包到, 然後拎去煎, 係肥架勒, 不過塊麵包會好香~ 香腸都係蘑菇雞肉腸呢D貴價腸, 煎得香既, 其餘都有蛋, 煙肉, 蕃茄, 一般貨式, 但70幾蚊有甘既份量同甘多款料都算抵~至於餐飲, 可以揀果茶飲, 如果飲熱既, 仲係原壺上(有得隔茶渣果種咖啡壺), 雖然食飯得一粒鍾, 快食仲有時間慢慢嘆