糖樓甜品 (已結業)

本身見食評唔係太差，所以想嚟試下，因為自己本身偶然都中意食哩類甜品做宵夜，不過好第一次嚟就覺得幾失望下，或者係我叫嘅野食太普通？完全冇味可言。我叫了“日式紅豆椰汁豆花”，完全食唔到有椰汁味，成碗野嘅味都係嚟自佢果啲罐頭紅豆，紅豆還紅豆味，豆腐花還豆腐花味，味道完全混唔埋，豆腐花自己又係冇味，我食過其他店的紅豆豆腐花都唔係咁冇味的，雖然唔係難食，但實在有待改善。另外老公叫的“哈密瓜豆腐花”都係一模一樣，味道各有各行咁。其實仲叫了“脆炸薯條”，不過冇映相，味道非常一般。