影片
更多
2021-08-14
111 瀏覽
未搬入黎元朗之前，都唔知原來呢區咁多好野食，只要遠離某知名大型商場，就可以搵到各式各樣非連鎖式嘅小店，真係應有盡有架。早前朋友介紹呢間位於屏會街嘅西餐廳，聽到個名「是但求其食」就諗，改個咁嘅名，邊會有好野食呀，就「是但」「求其」去試下啦！餐廳面積雖然偏細，但係環境一流，播放著悠和嘅音樂，以海洋館為主題，牆身播放住海洋生物游來游去嘅畫面，真係好似去左海洋公園內嘅餐廳咁，令客人可以係舒適放鬆嘅環境下等候食物。是日假日，午餐時間有假日午市套餐，價錢由＄78－＄158不等，包餐湯及飲品，亦都可以加＄38 配埋小食。主菜方面可以沙律、意粉、risotto、burger、pizza同all day breakfast，至於小食方面，有雞翼、薯條、洋蔥圈同焗薯皮。是日餐湯係蘑菇忌廉湯，入口勁creamy。小食方面，我地揀左金蛋單骨雞翼。金蛋單骨雞翼：雞翼係單骨嘅，食起上黎好方便，炸過嘅雞翼入口相當香脆，外面仲包住鹹蛋汁，非常惹味。卡邦尼意粉： 呢個係傳統意式卡邦尼意粉，利用意粉嘅熱力再加入芝士同蛋整成，上面再加培根碎，入口惹味香滑，芝士味唔會太重，入口唔太膩，口感十足！炸魚漢堡配薯條：漢堡賣相非常吸
早前朋友介紹呢間位於屏會街嘅西餐廳，聽到個名「是但求其食」就諗，改個咁嘅名，邊會有好野食呀，就「是但」「求其」去試下啦！
餐廳面積雖然偏細，但係環境一流，播放著悠和嘅音樂，以海洋館為主題，牆身播放住海洋生物游來游去嘅畫面，真係好似去左海洋公園內嘅餐廳咁，令客人可以係舒適放鬆嘅環境下等候食物。
是日假日，午餐時間有假日午市套餐，價錢由＄78－＄158不等，包餐湯及飲品，亦都可以加＄38 配埋小食。主菜方面可以沙律、意粉、risotto、burger、pizza同all day breakfast，至於小食方面，有雞翼、薯條、洋蔥圈同焗薯皮。
是日餐湯係蘑菇忌廉湯，入口勁creamy。小食方面，我地揀左金蛋單骨雞翼。
金蛋單骨雞翼：
雞翼係單骨嘅，食起上黎好方便，炸過嘅雞翼入口相當香脆，外面仲包住鹹蛋汁，非常惹味。
卡邦尼意粉：呢個係傳統意式卡邦尼意粉，利用意粉嘅熱力再加入芝士同蛋整成，上面再加培根碎，入口惹味香滑，芝士味唔會太重，入口唔太膩，口感十足！
炸魚漢堡配薯條：
漢堡賣相非常吸引，麵包似係自家製，入口相當鬆軟，夾住蕃茄、青瓜同相當香脆嘅炸魚柳，整體配搭唔錯，唔會太有油膩感。伴碟仲有椰菜沙律同香脆又熱辣辣嘅薯條，簡直係無得輸。
飲品方面叫左鴨屎綠凍檸茶同鴨屎綠凍奶茶。
雖然飲品叫鴨屎綠，但係睇落去唔喺鴨屎綠色，問完店員後，先知檸茶其實係用青檸桂花同茶葉撞出來嘅特飲。
鴨屎綠奶茶茶味相當濃郁，有好香奶味，檸茶方面飲落有少少茉莉花茶嘅味道，比一般飲到嘅檸茶更清香，相當特別。
張貼
