捌壹公館 (已結業)

同朋友去咗佐敦呢間新開嘅fusion西餐捌壹公館晚飯，餐廳走型格工業風，店子雖小，但感覺溫馨有格調。我哋平日晚上去，餐廳好有人氣，未到7pm已經full booking，小店座位不多，所以一定要提早訂枱！南乳燒春雞配羽衣甘藍及紅菜頭漬物呢個非常有驚喜！冇諗過南乳同春雞係咁夾！南乳好入味，雞肉外脆內嫩，配菜嘅紅菜頭漬酸酸甜甜，恰好平衡左南乳春雞嘅濃味，而且整成麵條狀，口感豐富！黑松露炒蛋配法式酸種包黑松露炒蛋非常嫩滑，仲有唔少蛋汁，同有嚼口嘅酸種包都幾夾。話梅菠蘿醬配窩夫及雪糕見網上好多人推薦，點咗一份試下！冇諗過係咁大份！窩夫做得出色，烘得外脆內鬆軟，每塊窩夫上仲有大大舊菠蘿醬，菠蘿香甜多汁，味道清新！我特別欣賞小店灑上話梅粉，酸酸嘅話梅粉令菠蘿入口更甜更多汁，味道更加提升！整體食物好有水準，小店將西餐完美地糅合港式風味，味道帶到驚喜俾我！店員服務都好友善，經常面帶微笑！絕對推薦！