Lucy Coffee n Food (已搬遷) 新店位置

Item: Lucy Coffee n Food
Rating: 5
Author: eatnuts

3.5

92 食評

味道

環境

服務

衛生

抵食

4932

荃灣

$50以下

多國菜麵包店漢堡包西式糕點咖啡店樓上cafe

eatnuts

等級3

朋友整親手，想喺佢屋企附近搵間舒服、唔逼既cafe食下飯傾下計。Openrice research下，見到Lucky's comments唔錯，野食又健康，就試下啦！星期六下午一點左右黎到大把位，兩點幾走嗰時已經有大概十個人等緊，唔想等要早少少到。裝潢以木為主角，有三兩個角落放寄賣既文青野；每張餐枱都唔同樣，天花更有幾盤植物釣下，感覺隨意、relaxing。店員有禮貌，如有需要亦會親自到客人坐既位介紹食物、咖啡，為我慢活星期六開個好頭😄我地兩個都唔餓，只order左一份輕主食、一個甜品，朋友要一杯hand drip coffee。意大利青瓜偽意粉沙律 $82 - 配自家製香草腰果醬、烤大磨菇、烤三色甜椒、茴香、車厘茄。Zucchini noodles近年喺飲食界中大熱，用sprializer刨zucchini出黎，比起傳統意粉較高纖而低澱粉質。話同意粉一樣係呃你既，不過口感爽爽地，食完又唔會太頂胃，岩晒我依啲成日要keep fit既人。烤蔬菜全部都好香，尤其是portobello，成口都係濃濃菇味！餐廳嘗試以香草腰果醬代替芝士，係蛋奶素食常見做法，冇咁濃未但同時亦light啲。我食左

朋友整親手，想喺佢屋企附近搵間舒服、唔逼既cafe食下飯傾下計。Openrice research下，見到Lucky's comments唔錯，野食又健康，就試下啦！

星期六下午一點左右黎到大把位，兩點幾走嗰時已經有大概十個人等緊，唔想等要早少少到。裝潢以木為主角，有三兩個角落放寄賣既文青野；每張餐枱都唔同樣，天花更有幾盤植物釣下，感覺隨意、relaxing。店員有禮貌，如有需要亦會親自到客人坐既位介紹食物、咖啡，為我慢活星期六開個好頭😄

我地兩個都唔餓，只order左一份輕主食、一個甜品，朋友要一杯hand drip coffee。

意大利青瓜偽意粉沙律 $82 - 配自家製香草腰果醬、烤大磨菇、烤三色甜椒、茴香、車厘茄。Zucchini noodles近年喺飲食界中大熱，用sprializer刨zucchini出黎，比起傳統意粉較高纖而低澱粉質。話同意粉一樣係呃你既，不過口感爽爽地，食完又唔會太頂胃，岩晒我依啲成日要keep fit既人。烤蔬菜全部都好香，尤其是portobello，成口都係濃濃菇味！餐廳嘗試以香草腰果醬代替芝士，係蛋奶素食常見做法，冇咁濃未但同時亦light啲。我食左大半碟😝

新鮮無花果法式杏仁撻 $58 - 用無花果切片砌到好似朵花咁，賣相滿分。無花果新鮮清甜不在話下，撻本身都好香果仁同牛油味，無花果同中間層紅莓醬平衡番整體唔會heavy。出面比較少見以無花果做主角既甜品，呢個不能推介更多！

Hand drip coffee $60 - 當日有埃塞俄比亞同肯亞兩款，不過店員告知前者未100% ready，朋友聽佢意見就揀左後者。熱飲時酸味會慢慢滲出，凍左入口又會甜左，好特別呢。我平時唔飲咖啡，今次都試左兩啖。咖啡用看似係手做陶瓷杯、木盤裝住，好raw好有特色，斟落小杯品嚐時有嘆茶既感覺。店家好明白視覺效果對整個用餐經驗都係重要既一環。注意餐廳為左客人能夠飲到咖啡既精粹，唔會有糖/奶提供。

Feel到老闆、店員用心經營，以誠意同高質材料烹調，如果唔嫌位置偏遠，推介各位一試。